AI與大數據

呢個通知, 我都係第一次收到. 講笑咁講, 客觀睇, 隻貓無著衫, 都算係nudity吧!

當時, 系統俾左兩個選項我, 一係接受呢個指控, 一係就提出要求覆核, 不過佢又無位俾人輸入抗辯理由. 我選擇左要求覆核.

然後, 一直都無再收過facebook就呢張相嘅任何回應.

或者大家都有留意過, 有時網絡慢嘅時間, 係會見到facebook load相時, 張相個框入面有寫住this photo contains: cat, tree, people, blue sky之類嘅tags. 而大部份都好準確. 我諗呢樣都係拜大家咁多年黎, 努力po左成千上萬嘅相黎訓練佢個AI.

至於我張貓相, 點解會出錯呢? 係整體顏色似人類膚色? 定係一時出錯? 真係好想facebook嘅engineer話個原因我知.

AI+大數據唔可怕, 但當大家都越黎越依賴AI+大數據時, 就會衍生好多新嘅問題出黎. 就好似假如我呢張貓相係個廣告黎, 無啦啦咁俾系統誤判自行下架. 而事後先發現出錯, 亦因為咁而錯過個黃金銷售時機, 個賠償應該係點? 而個責任又應該响邊個身上呢?

原相: https://www.facebook.com/rendezvouswithcats/photos/a.10151363187658114/10157804597173114