狂想科幻應用系列（十）終於想通咗明日之後（又叫后天，不過都係鍾意明日之後個名有氣勢好多

狂想科幻應用系列（十）終於想通咗明日之後（又叫后天，不過都係鍾意明日之後個名有氣勢好多）個故仔講乜嘢！ 點解全球暖化會導致小冰河時期？ 點解明明係全球暖化會成個北半球北回歸線以上冰封？ 明明係暖咗架！？！點解又反轉頭凍呢！？！ 唔通個天同人類一樣咁蠢，太多人意識上思維上只有黑（0%）同白（100%），而冇晒紅橙黃綠青藍紫同灰（1%至99%）⋯一陣唔暖就立即冰封！？！ 梗係唔係啦！個天邊有人類咁蠢！ 人類之所以會要面對明日之後，係有原因 D ！ 人類係一步掘一個坑，日積月累累，又加上傲漫⋯ 再加上自以為科學好勁，知少少就以為知道一切⋯咩咩碳中和⋯咩咩仲有一點五度⋯ 相對於宇宙科學，人類所知嘅就只係一根汗毛！ 正因為咁，連好有見識嘅成日都話唔當人哋係朋友嗰位人兄都信上面嘅謬誤，睇少咗全球暖化嘅禍害，退出咗減少全球暖化嘅協定（喺有聊得很腦殼裏頭，減少都係錯，要逆轉先救到地球）。 點解有聊得很話有聊得很腦殼裏頭，減少都係錯，要逆轉先救到地球呢？ 有聊得很唔係呀大個口就亂吹 D ！ 有根有據講你知。 咩咩碳中和⋯咩咩仲有一點五度⋯D 所謂專家講完，人人諗都唔洗諗就照單全收，一個二個好似鴨仔咁跟住呀大個口就跟住吹。呢 D 人⋯至少有九成半⋯問下佢哋，點解係一點五度，點解要幾多幾多年達至碳中和，知嘅有聊得很寫個叻字比佢。 全部都錯⋯碳中和係錯，一點五度都係錯，連所有全球暖化嘅焦點集中喺二氧化碳度都係錯！ 全世界九十幾個巴仙嘅科學家（包括專係研究全球暖化嗰 D ），都低估咗全球暖化嘅威力！都忽略咗二氧化碳以外另外兩隻更大魔王。 重要嘅嘢講三次： 天體級勢能+水蒸氣 天體級勢能+水蒸氣 天體級勢能+水蒸氣 水蒸氣嘅來源好簡單⋯ 全球暖化—> 兩極冰蓋溶解—> 地震風險增加+海水增加—> 多咗嘅海水受能量影響， 形成更多嘅水蒸氣—> 好多科學只係以為水蒸氣只係多咗一種全球暖化氣體咁簡單。 事實係，水蒸氣除咗係全球暖化氣體之一之外，仲係非常非常非常好嘅「能量載體」。 大氣中多咗大量嘅水蒸氣，就即係多咗大量嘅「能量載體」，只要有能量，佢哋就可以造成—> 超級台風（近年越嚟越多）、超級暴雨（近年越嚟越多）、洪水（近年越嚟越多）、暴冷、暴熱（近年越嚟越多）⋯ 係暴冷未見近年越嚟越多嘅趨勢，有聊得很見咁多就講咁多，冇多一分，暴冷未見近年越嚟越多嘅趨勢就講未見，唔會亂吹。 暴冷暴熱有必要再解釋清楚，全球暖化係全球平均氣溫上升，並唔係只會上升。 正確嚟講，係增加嘅能量載體（水蒸氣）更容易載上大量能量呢度去嗰度去享受人生樂趣！如果加上天體級勢能嘅擾動，就等於上面所講嘅極端天氣嘅至強大原動力！ 第二隻大魔王天體級勢能又點嚟呢？ 有聊得很唔會拋 D 深到唔係人明嘅嘢出嚟嚇鬼嘅，未讀過物理嘅人都可以隨便搵個讀過高中物理嘅同學仔問下： 天體級勢能= -GMm/r 天體級三個字係有聊得很加落去嘅，以示以下講嘅係有聊得很獨有見解，其他都可以搵任何一本高中物理書搵到，中英文都得。 近地天體依據牛頓物理學喺地球附近遊走，時遠時近，亦即係話上面條式個 「r」時大時細，-GMm/r 個值就會時大時細。每一粒星對於地球都有一個天體級勢能值。能量係 scalar sum ，直接加就得，即係話所有近地天體，因為個別同地球嘅距離時遠時近，就有一個時大時細嘅天體級勢能總和。

假切所有能量係守恒嘅，天體級勢能變嗰時，能量去咗邊呢？

九十九個巴仙嘅老師都會咁講—>去咗動能度囉！考試就有分架啦，但事實呢？

尤其係天氣方面，能量走向係勁難預測嘅。

有聊得很話你聽，冇可能全部天體級勢能轉換晒去地球動能嗰度。一定有一定比例去咗其他地方例如地球天氣系統。

有睇開有聊得很嘅有聊得很作品都知（包括 狂想科幻應用系列 同 獻給哈勃的退休禮物），之前兩個系列都計過天體級勢能係等於幾多萬億個原子彈嘅能量，分幾個巴仙比極端天氣系統都唔得了！

土木大合於2020年係四百年一遇嘅土木大大合（因為喺魔羯座銀心方向），歷史上每四百年一遇嘅大災難年，比到地球嘅超大版天體級勢能波動亦係四百年一遇。

之前嗰幾個四百年一遇冇水蒸氣呢隻大魔王已經大大鑊，現今呢個四百年一遇就等於比個大袋個「天體級勢能大魔王」裝住更多更多更多嘅能量⋯去教下 D 傲漫嘅人類唔好咁無知日日破壞自己嘅家（地球村）。

另外補充，唔好以為2020年天體級勢能最低位已經過咗就冇事。極端天氣嘅能量唔係嚟自天體級勢能嘅實際位值，而係天體級勢能嘅變數值：

（dV/dr)，V=potential （勢），r=各個星體同地球嘅距離。

簡單 D 講，天體級勢能最低位（好可能係2020年）附近嘅 dV/dr 斜度都好高，波動亦特別大。

天體級勢能回返上嚟又會吸走返地球嘅能量，甚至小冰河時期有可能喺呢個時候發生（沙漠都會落雪，香港得返三度都係一個警號）。

即係話危險期仲未過，水蒸氣量仲喺愚蠢嘅人類手中不斷擴大中⋯

全球暖化再唔逆轉，明日之後甚至會上演明日復明日！

世界各地嘅大 V 們，求下你哋，唔好再將心思放喺整碳排放嘅機器，更加唔好掛住打嚟打去，想下用乜嘢方法減碳排放（唔係碳中和係減實際碳排放嘅量），甚至用超級電腦預測所有近地天體嘅天體級勢能對地球嘅影響，有聊得很深信，以現今地球嘅電腦科技，一定可以用電腦模擬近將來天體級勢能造成極端天氣嘅機率同時間點。

有緣見到嘅大 V 們，拜托了

作者：正在轉化ing IQ 博士型中的有聊得很