萬寶路88
萬寶路88

好幻的科幻作者,較多以天文及神秘學融入小說,希望多多觀摩交流 matters 專頁—真科幻

用個科幻腦黎抗疫&準備促進經濟復甦(十九)動態清零 Vs 與病毒共存(中)

要明白出院標準先可以真正明白動態清零嘅作用!

用個科幻腦黎抗疫&準備促進經濟復甦(十九)動態清零 Vs 與病毒共存(中)

有病?冇病?憑乜嘢去決定呢?

傻嘅都知啦!咪就係「核酸檢測」囉!

搵條嘢撩你個喉嚨兩嘢⋯過兩日(或者一日囉),send 個 message 比返你,negative 就冇事,positive 咪領嘢囉!

係囉!D 人總係喜歡將事情兩極化(即係非黑即白囉),夠簡單嘛!唔係黑就白⋯幾咁舒服、幾咁簡單喎!

我哋試吓將件事咁嚟睇⋯

睇吓據講嘅出院標準,先前 CT 值高 D 先可以出院,最近好似話 CT 值高過33就可以出院⋯

點解咁嘅???

唔係好返(即係冇病囉)先可以出院架咩?

另外,點解先前有 D 個案會陰陰陽、陰陽陰⋯甚至陰八九次先嚟個陽嘅???

玩百家樂嗎!?!

出院標準,全世界大部分地方都係睇 CT 值,咁⋯CT 值係乜呢?

大致上,CT 值越高,病毒量越低,唔係線性關係,係指數關係。

大致上,CT 值升十個點,病毒量就少一千倍(好似係咁上下)。

據講有幾個參考值:

CT 值十零嘅係超級傳播者。

CT 值二十嘅叫病毒量高。

CT 值 33 嘅,被定義為冇乜傳播能力(即係大致上好返囉)。

CT 值 direct related to 體內病毒量。而且係實時嘅。

咁就可以解釋到上面兩個現象。

CT 值據講降到高過 33 就可以出院即係代表標準降低咗。即係話出院時,體內極之可能仍然有極之極之低嘅病毒量(Oh!唔駛驚播!下集解釋點解)。

唔係越高越好咩? CT 值 100 先比出院吖嘛!(哈!問呢個問題嘅朋友可能係怪獸家長,小朋友次次要攞 100 分吖笨!)夠高(33)就夠安全架啦!

咁點解又可以陰陰陰⋯陰八九次先陽呢?復陽喎!

不如咁講啦,有冇試過感冒睇完醫生食完藥好返,過兩個禮拜又感冒過呀?人人體質唔同,乜嘢病都有機會反復架啦。血壓同血糖都會時高時低架啦,何況病毒(當然,有咗抗體一般病毒量都會一路跌,但係⋯可能有萬中無一嘅例外加嘛)!

以上兩個例子想講乜?

有病同冇病(出唔出得院)唔係由冇病毒定有病毒去決定。

係由 CT 值高唔高得過某個數(例如 33)去決定。

即係話由病人體內病毒量少唔少得過某程度(極之極之微量)去決定!

下一集,有聊得很就會同你分析「動態清零」嘅真正作用。

作者:有聊得很(manbolo88)

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…
加载中…

发布评论