用個科幻腦來抗疫及準備促進經濟復甦（十）疫苗嘅副作用係唔係真係來自疫苗嘅呢（下集）！？！

用個科幻腦來抗疫及準備促進經濟復甦（十）疫苗嘅副作用係唔係真係來自疫苗嘅呢（下集）！？！

先講第二個問題嘅答案，係人都知，破壞地球嘅人，當然係亂用石化燃料嗰 D 人，而唔係發明種五谷嗰位偉人。

但唔好忘記，發明種五谷嗰位偉人係造成亂用石化燃料嗰 D 人順利成長嘅，而當呢 D 人順利成長之後，因為人嘅貪婪本性，亂用石化燃料幾乎可以講係定數⋯

咁講，發明種五谷嗰位偉人又係咪一 D 責任都冇呢？

如果情況更加復雜，又有幾多人會認為發明種五谷嗰位偉人要負責呢？

有聊得很可以話你聽，極類似情況，世上百分之九十以上嘅人，就係將責任算在發明種五谷嗰位偉人身上⋯

至於啱定唔啱呢？有聊得很都唔能夠100%肯定（當然啦，有聊得很腦裏從來都冇100%的）。睇下事實，看官自己判斷！

Background 1 :

記得有聊得很讀高中時，也算係一個喜歡運動嘅運動員，所以當然非常注意有關運動嘅新聞，記得當時有兩個有聊得很頗喜歡嘅運動員突然收山，原因係心膜炎。

當時嘅報導係咁的⋯

經過多日，病人染上過濾性病毒後會造成好多抗體，有咗抗體，病人就會慢慢痊癒。

但係咁播，據說好多過濾性病毒同心膜細胞有 D 似，所以好多時抗體會誤將心膜細胞當病毒，造成誤擊！當然，一般情況下，呢種誤擊唔會太嚴重，好多時有少少唔舒服就會冇事。但係教練反復警告，如果有病（例如重感冒），就一定要停止練習，尤其係強度心肺功能嘅訓練，一定要停止，等好返再練，否則隨時收山！

呢個故事好明顯說明：

過濾性病毒一定會產生抗體，而抗體有一定機會誤擊心膜（尤其係喺強度心肺功能運動嗰時）。

Background 2 ：

最近新聞報導講，曾經染上新冠肺炎而康服嘅人，染上心胞炎（我唔肯定心胞炎同心膜炎會唔會係唔同年代嘅叫法，但最少，佢哋非常相似）嘅機率會比冇染過新冠肺炎嘅人高十幾倍。

咁點解高十幾倍呢！？！梗係有嘢搞過你個心啦！咁到底係乜嘢搞過你個心呢？

疑犯得兩個：一係新冠病毒，一係新冠病毒搞出嚟嘅抗體。

好啦！最後結論嚟啦。

打咗疫苗嘅人，同樣係有些微機會發生輕度心胞炎播。情況似唔似 Background 1 ？唔洗答我，自己知就得啦！好！引起呢個輕度心胞炎嘅元兇也有兩個疑犯。

疑犯一：新冠疫苗！唉！幾乎全世界 D 人都認為係新冠疫苗，因為係 D 好專嘅專家講嘅！有聊得很唔敢話100%錯呀！點敢講啫！人哋係專家，有聊得很係閒家咋喎！

不過咁，就算係吹下水都要講下隻黑馬！

疑犯二：新冠肺炎疫苗造出嚟嘅抗體，尤其係好勁嘅咩必咩疫苗呢（真慘！無啦啦比全世界屈，慘過小白菜😂）。

最後分析：

Case1:

過濾性病毒 or 抗體 —> 心膜炎。

Case2:

新冠疫苗 or 抗體 —> 心胞炎

而且，唔好忘記，新冠肺炎病毒係過濾性病毒！

先講個笑話先！其實仲有一個疑犯架播，如果新冠疫苗可以製造新冠病毒嘅話，新冠病毒都算係一個疑犯架播！講下笑啫！又點會咁喎！

兩個 cases 只有抗體係共通嘅！結論就自己諗啦！

不過，有一個好重要好重要嘅重點全世界嘅專家都冇講你聽！

聽住啦！

如果造成心胞炎嘅元兇真係抗體而唔係新冠疫苗嘅話。「心胞炎仲算唔算係新冠疫苗嘅副作用呢！？！」

呢個問題等同問緊：「造成全球暖化同極端天氣嘅仲算唔算發明種植五谷養活全人類嗰位偉人呢？」「定係亂用石化燃料嗰 D 茂利呢！？！」

有聊得很個腦冇零分亦冇一百分嘅。唔識做結論架 ！全部問題看官自己答啦。拜拜👋🤗

作者：有聊得很（manbolo88)

想看下一集請按：

https://www.facebook.com/105967644740266/posts/256535709683458/?d=n

想由第一集睇請按：

https://www.facebook.com/105967644740266/posts/105996361404061/?d=n

想看歐頓紀元請按：

https://www.facebook.com/111396703931482/posts/168839654853853/?d=n

想看獻給哈勃的退休禮物第一季請按：

https://www.facebook.com/104340741312840/posts/197068732040040/?d=n

想看驚情六百年的請按：

https://www.facebook.com/105563084837720/posts/105601621500533/?d=n