好幻的科幻作者,較多以天文及神秘學融入小說,希望多多觀摩交流 matters 專頁—真科幻
用個科幻腦黎抗疫&準備促進經濟復甦(十一)共同富裕大環境下嘅香港樓市改革可以兩全其美嗎?(上集)
用個科幻腦黎抗疫&準備促進經濟復甦(十一)共同富裕大環境下嘅香港樓市改革可以兩全其美嗎?(上集)
有聊得很係一個中間夾心香港人。黃絲在網上見到我經常想鬧我,就算係藍絲見到我也眼望望把我當作疑似黃絲⋯
但係,我哋呢 D 小市民中嘅中間夾心人喺香港可算係最多嘅⋯而且,有聊得很係無論見到乜嘢難題,都在想辦法令事情變得更好嘅中間夾心人。
現在生活已經唔太好過,夾喺中間兩頭唔討好更加唔容易。但係,有聊得很幾辛苦都堅持做呢種夾心階層。
因為,非黑即白好容易,唔駛諗咁多,揀一邊靠邊站可以了⋯
但係,解決問題從來都係由中間落墨,要解決,就要從中間把兩邊用一個求同存異嘅態度逐漸拉向中間,以求一個兩方面都唔係100%完全滿意但又能夠剛好接受嘅方案⋯咁就成功成為解決師級嘅良策。
任何難於解決嘅問題,都應該用呢種想法去想解決方案,包括上面所講嘅樓市改革。
好多時,要鬧好容易,甚至呃到好多掌聲 & like ⋯
好多名嘴講 D 咩危機呀⋯ 咩一觸即發呀⋯講完一大輪,一個似樣嘅方案都冇。
又有 D,咩同發展商攞一千公頃,同鄉民又攞兩千公頃⋯聲就夠大了!正儍瓜!就算你攞晒三千公頃,能解決問題嗎?縱使比你起晒三千公頃樓,真係解決到問題?唔弱智都諗到結果係點。
有聊得很成日講,非黑即白好容易,本來唔夠樓,攞晒 D 地返黎起晒樓咪就係非黑即白思維囉,好多人 buy 呢套架!但事實係 work 嗎!?!咪儍啦!上面第一個名嘴咪講咗第二個名嘴點解錯囉!
相信呢排,好多人都頭痛緊呢個問題。
不嬲都唧牙膏咁逐 D 逐 D 賣樓加嘛!狂賺咗幾廿年錢啦!本來好爽加嘛!
就算好有錢嗰幾位人兄肯攞晒 D 地出黎起晒樓想大平賣⋯
1.點起法?配套造得切嗎?
2.經濟頂唔頂得順?甚或起咗到時經濟頂唔順,起咗又冇人買架播,唔係冇試過啦!!!
3.點樣說服持分者攞 D 地出黎?(呢個本來係好擔心嘅難題,但係而家似乎容易咗😂)
講到呢度,非黑即白嘅讀者相信會以為有聊得很係反對嗰邊嘅。
都係嗰句,咪凡事都用非黑即白嘅思維去諗嘢,如果唔係,好容易比人點兼容易腦退化!
要寫議論文都有所謂嘅三破三立啦!唔先寫難處,邊有說服力啫!
好啦!要解決,就要先解決上面三個難題⋯
有冇方法既可以慢慢解決三十萬窮人等公屋問題(不過唔係真係好慢呀,據講話要五年內大致要解決),同時又將對經濟嘅影響減到最低呢(當然啦,如果連有錢嗰幾位人兄擔心嘅問題都大部分解決埋就係超級 bonus !!!真的可以嗎?😹)
相信呢幾晚,好多人好心急諗緊呢個問題(例如好有錢嗰 D 呢)。
過兩日啦!過兩日有聊得很再黎吹下水,講埋下集大結局,睇下合唔合理?
作者:有聊得很(manbolo88)
喜欢我的文章吗?
别忘了给点支持与赞赏,让我知道创作的路上有你陪伴。
发布评论…