獻給哈勃的退休禮物（第二季——續航至宇宙邊緣）（四）阿南德的吠陀占星術似乎啟發了我想通了厄爾尼諾現象和類似天災的原因及其預測方法（續完）

獻給哈勃的退休禮物（第二季——續航至宇宙邊緣）（四）阿南德的吠陀占星術似乎啟發了我想通了厄爾尼諾現象和類似天災的原因及其預測方法（續完）

有冇試過捧著金魚缸坐過山車？

估下金魚缸裏面條魚有乜感覺呢？

如果金魚缸係半滿嘅，同全滿嘅，條魚嘅感覺又有咩嘢分別呢？

xxxxxxxxxxxxxxxxxxxxxxxxxxx

我下面幅圖計算咗木星從反相位走到正相位就會有3.9x10^29J 嘅能量流入地球，相當於6.2x10^15 個地球最小型的小男孩原子彈的能量。

每個近地天體，包括金、水、火、土、天王、海王、冥王就算了⋯還有最重要的太陽（咪以為地球軌跡真係圓嘅），都會因為走動的軌跡，都會有能量在地球流入流出，喺正相位嘅，流入地球嘅能量最多，是為勢能大潮，每一個近地天體，包括太陽，都有自己對地球嘅勢能大潮。

當然，呢 D 流入地球嘅能量，絕大部分變咗地球嘅動能，但⋯會係全部嗎？

地球表面有海，有大氣層，情形有 D 似上面個金魚缸，人類就有 D 似上面條魚。

咪以為地球公轉軌道真係圓嘅，係各大行星同太陽喺地球附近行黎行去時，地球就好似架過山車咁，喺一個流離浪盪、飄飄盪盪嘅接近橢圓嘅軌道上時快時慢咁運行，或者更誇張一 D ，地球係喺五維的（三維+時間+勢）一個流離浪盪、飄飄盪盪嘅接近橢圓嘅軌道上時快時慢咁運行。

當然啦，地球本身冇乜嘢唔舒服嘅，正如過山車本身都冇咁易壞。地球上面嘅水呢？地球上面嘅魚呢？啊唔係，講錯咗，係地球上面嘅人呢？

有 D 人會以為，幅圖講嘅勢能大潮，讀過高中物理都知架啦！自古以黎都有架啦播！又點會呢幾年先越來越嚴重呢？

首先，每次每粒星嘅勢能大潮影響都未必一樣，舉個例，土木相合就比單一木星大潮來得厲害得多，就算係土木相合亦唔係個個一樣，仲要睇其他星在什麼位（可能阿南德比我清楚得多，我淨係識計數😅）。

其次，最最最重要嘅係，人類呢幾十年間，搞出了全球暖化！！！

全球暖化溶咗南北極大半嘅冰，變晒水同大氣層嘅水蒸氣，尤其係水蒸氣，正正就係極端天氣嘅載體。

大氣層有咗加倍水蒸氣嘅載體，再遇上土水相合、火木相合、火土相合⋯呢 D 咁嘅勢能大潮⋯

人類現在情況就好似上面在金魚缸裏坐著過山車的金魚一樣。

幾十年前，最少沒有全球暖化，金魚缸的水得半滿，盪下盪下唔舒服都好，都仲未死得⋯

而家全球暖化嗰個成日唔當人喺朋友嗰條友仔仲想唔理，個金魚缸咪滿瀉囉，條魚唔沖咗出黎都反肚啦！

當然，我這篇只想用能量同經典牛頓物理嘅角度去確定吠陀占星術嘅作用。

至於吠陀占星術能否預估疫情、人心同世事⋯我係持開放態度的。不能確定也不能否定。

有聊得得所抱持的態度是：

我信科學，但不迷信科學。

作者：有聊得很（manbolo88)