狂想科幻應用系列（四）私人火箭大神話要研究用私人火箭撞擊威脅地球滅世小行星救世計劃淺談

狂想科幻應用系列（四）私人火箭大神話要研究用私人火箭撞擊威脅地球滅世小行星救世計劃淺談

記得有聊得很第一次接觸呢件事就係阿威利士套交叉交叉天刧，嗰個國防部長話搵粒核子導彈射嗰滅世小行星想炸爆佢，點知比阿威利士串：「你放烟花呀！」

咁即係話，阿威利士覺得搵個核導彈炸個滅世小行星唔得啦！

咁阿威猛到不得了嘅威利士鑽探隊成兩隊人，揸兩隻穿X機上去滅世小行星鑽個洞放個核彈去炸爆佢救地球。

唔係幾現實！

而家送人上太空個太空倉有幾大？

細過半個貨櫃！

地心吸力咁大，要送任何質量上太空係好難嘅，成棟樓咁多燃料先可以送三個人同半個貨櫃咁大嘅太空倉離開地球。

咁⋯

要送阿威利士幾個肥佬老友同兩架巨型鑽探機+咁多器材上去要幾多燃料？

訓練幾個肥佬一個月上太空真係得？

就算全部都得，變數太大了吧！？！

真係唔係幾現實！

幾十年過去⋯

阿私人火箭大神又諗返同一個問題。

又係話問過好多個天文科學家都話冇辦法！

阿大神就話等我研究一下搵我隻私人火箭撞得唔得先！？！

咁又得唔得唔呢？

當年阿威利士個國防部長都話咗唔得啦！

大神話：「車！我地依家有超音速火箭，你嗰時有咩！」

咁又係！超音速火箭喎！幾勁呀！

⋯

咪又係半個貨櫃咁大！

算你超音速，動量（momentum)咪比當年多幾倍！多幾倍就得架嗱！

就算你多幾倍就夠⋯

你以為打枱波呀？

個小行星係球體就好好打嘅⋯

百分之九十幾嘅小行星都係三尖八角嘅。

你撞完佢飛去邊都還很難說！

「車！總之向住地球方向嘅反向撞咪得囉！」

如果個太空係三維空間就係。

有冇睇人地試射導彈呀？

粒導彈向住個天射架播，咪同地球反向囉，點解又會返落嚟嘅？

因為個太空係五維+嘛！（三維+時間+引力勢，之前講咗好多次，呢度就唔重復啦，想睇清楚 D 去「獻給哈勃的退休禮物第二季」度搵啦。

就算你撞到粒小行星向住地球嘅反向，只要速度仲係細過逃逸速度都會 U-turn 返去撞地球！

「撞到大過逃逸速度囉！！！」

哈哈哈！有聊得很費事談論呢個問題啦！

咁⋯究竟有冇辦法 「末 世 救 地 球 」呢？

明白乜嘢係五維宇宙就唔難囉！

首先，百分之九十以上嘅近地小行星嘅軌跡都係橢圓形軌道嘅，先講呢 D 易搞 D 嘅。

用拉或推嘅方法將小行星喺遠日點加速或近日點減速就可以令小行星軌跡更加接近圓形（亦即係軌道修正，就好似嫦娥一號由繞地球軌跡拋過去月球咁⋯想更加詳細去睇獻給哈勃的退休禮物會講得更多）。

如果能夠將小行星軌跡修正為極接近圓形嘅話，地球就基本上安全啦。

點解？

開普勒第三定律講架囉！

😹好啦！講清楚 D 啦！

開普勒第三定律講 T^2 正比於 R^3。

T=period(週期）

R=radius(公轉半徑）

如果小行星公轉半徑同地球唔同，基本上近乎冇可能撞到地球，當然仍然有極少極少機率有兩點有極少可能撞到，如果真係咁，將小行星軌跡調整為另一種橢圓就可以避過呢兩點。

咁⋯如果小行星公轉半徑同地球相同呢？

開普勒第三定律話 period (週期）都會相同。即係話地球同小行星喺同一個半徑嘅圓用同一個速度 orbiting(運行)。

即係點？

試想像一下，兩個速度完全一樣嘅跑手喺四百公尺嘅圓形跑道嘅對面同向咁跑⋯你跑我追⋯定係你追我跑⋯分唔清啦！不過永遠都追唔到！咪即係永遠唔會撞囉！

好啦！最難搞嗰種⋯哈雷形！

拋物線形或極長蛋形。

其實都係將軌跡修正為較接近橢圓形，只不過係做嘅次數同幅度大好多啫。

好啦，用乜嘢方法去修正軌道呢？

首先要明白一點好重要嘅，五維太空同地球上嘅三維好唔同。

有乜唔同？

1. 幾乎大部分近地天體都係喺近圓形嘅等勢面上面永動嘅（淨係永動呢個概念都係三維思維上好唔同）。

2.要喺等勢面上面轉向唔係咁難！拉又得、推又得、撞又得⋯轉咗向就等於軌道修正⋯修正咗就等於避過咗相交撞點（亦即係滅世災難）。真係唔係幾難。

詳情方法：

睇下小行星係冰質？土質？定石質？

冰質？用導彈打爆佢啦！

土質？

用重形機關炮連橫咁打，要打好多好多發（唔太建議用私人火箭大神成隻火箭咁撞，因為得一次機會，三尖八角嘅小行星，撞一次如果結果唔理想就大穫，用重形機關炮打可以一路打一路評估效果），注意，唔係要打爆佢，係要用連環嘅動量改變去修正小行星嘅軌道（想一下，嫦娥一號少少能量就可以將環繞地球軌道變成拋過去月球嘅軌道。喺等勢面轉軌真係唔係咁難）。

如果土質形嘅小行星真係好大，可以用超大形嘅爆炸螺絲+交滙對接😹

搵個冇咁容易爆嘅位（例如凹位），打一口超大超大嘅爆炸螺絲，再用交滙對接又好或者超強磁力扣都好，駁隻小形火箭拖佢轉向。唔好以為拖佢走，只係拖佢轉向，轉咗向就係軌道修正，所以只係用好少能量。

最麻煩係石質小行星，用爆炸螺絲都未必打得入。

最後方法可以考慮用超大超大嘅⋯

索帶😹

用超大超大嘅索帶索緊小行星，再將索帶扣用超強磁力扣或交滙對接扣接上小火箭，再拖佢轉向，只要轉到少少就係轉軌道避過相交撞點。

作者：正在轉化ing IQ 博士型中的有聊得很