好幻的科幻作者,較多以天文及神秘學融入小說,希望多多觀摩交流 matters 專頁—真科幻
狂想科幻應用系列(二)全球暖化理論可能缺少咗兩塊奇怪拼圖至使影響被大幅低估了!
狂想科幻應用系列(二)全球暖化理論可能缺少咗兩塊奇怪拼圖至使影響被大幅低估了!
無論你睇科學家寫嘅⋯
定係你睇好似有聊得很咁閒嘅閒人抄嚟抄去吹水嘅⋯
講全球暖化不外乎係嗰 D 咩碳排放⋯咩溫室氣體⋯咩亂用石化能源⋯
好多中學嘅教科書,無論來源、發展同後果⋯相信連一個理科中學畢業生都知根知底啦!
點解仍然有咁多人不以為然呢!?!
就連嗰 D 最大粒嗰 D 人都同樣不以為然!呢⋯就連據說最接近神的男人好鍾意突然唔當人哋係朋友嗰個呢!
係囉!點解咁有見識嘅人都不以為然呢?
真係埋沒良心不理人類禍福咁簡!
可能好多思維非黑即白嘅人以為係。
但有聊得很認為佢地大幅低估咗全球暖化嚟嘅速度同禍害⋯
大部分嘅科學家將焦點放咗喺 CO2 度!
無論全球暖化嘅成因、發展同禍害⋯CO2 都成為咗男一!
大部分嘅科學家好可能極度輕視咗一個影帝級嘅最皆男配角,同埋一個奸人堅級嘅大反派,呢兩個角色嘅重要性直接蓋過男一 CO2 ⋯
好多科學家仍然反復強調有一點五度⋯只要幾耐幾耐減排⋯幾耐幾耐達至碳中和⋯就冇事架啦⋯
唉!咁有見識嘅人睇事都咁簡單嘅!天真!
個地球⋯個大空⋯企喺庶等你減排!
個地球⋯個大空⋯企喺庶等你碳中和!
唉!仲一點五度!殺到埋身啦老細!
有聊得很用科學介紹兩隻大怪獸出場⋯
第一隻怪獸:水蒸氣!
唔理係 CO2 又好⋯係 CH4 都好⋯呢 D 溫室氣體已經令地球兩極冰蓋溶咗一半有多啦!
咁多冰溶咗而令到地殼重力分佈重整都算啦!呢 D 充其量搞出咗咩南亞海嘯呀!日本三一一地震呀⋯唉!求其講兩個算啦!太令人傷感唔講咁多啦!不過⋯呢 D 只係前菜!
正餐係乜呢?
冰溶咗就變水,成個地球嘅水陸陸續續就多咗幾十個巴仙⋯
水多咗⋯自然令由水蒸發咗變水蒸氣令水蒸氣大幅增加⋯
地球大氣層嘅成分唔單止 CO2 增加。水蒸氣增加得仲更加多。
水蒸氣係最好嘅天氣能量載體。由香港嘅溫差比北京少一半就可以見到。
水能夠吸極大嘅氣候能量變水蒸氣再變雲⋯如果不斷有能量,水蒸氣就可以不斷形成,積聚到好多好多⋯
如果淨係佢⋯都未可以成為地球級災難⋯
第二隻怪獸:天體級勢能(多謝阿南德🙏,阿南德直接啟發咗我諗出一百個西湖嘅水喺邊度嚟)
天體級勢能 = -GMm/r
任何天體越近地球,地球就跌落更低勢能位,由於能量守恆,就有更多能量轉換到其他能量⋯
喺有聊得很另一篇文章已經計算出單單因為木星嘅遠地點同近地點差⋯勢能差就可以大到超過六千萬億個小男孩核彈嘅能量。而地球自轉嘅子夜同正午因為(近地點)木星造成嘅勢能差亦可以超過三百億個小男孩核彈嘅能量。
或者,呢 D 數好復雜!
所以用阿南德嘅講法最易理解。
木星進入魔羯座就大鑊!
土木大合於魔羯座就更加大大鑊!
點解!?!
太陽、地球、木星、土星、銀河系(奶河)中心幾乎成一直線。
地球嘅天體級勢能位就四百年一次最低⋯亦即係可以轉換成其他能量就最多。
能量載體(比幾十年前大幅增加嘅水蒸氣)+ 過兆個小男孩核彈嘅能量⋯
將過百個西湖嘅水吸上個天再倒晒去個能量低位(估計多數係夜晚)又有幾難!
搞個天兔、天鴿、山竹、卡塔里娜⋯又有幾難!
最後最重要一點。
全球暖化並唔係全球暖化咁簡單!
全球暖化嘅真正意思係:
全球暖化—平均氣溫上升—兩極冰蓋溶化—地殼板塊重力重整+大氣層水蒸氣大幅上升—超級地震+超級海嘯+超級洪水+超級暴風雨+超級龍捲+超級暴冷+超級暴熱⋯
有一點要再三強調,全球暖化並不代表氣溫只會上升,而係大氣層水蒸氣大幅上升導致大氣能量載體大幅上升,所以係極端惡劣天氣變數大幅增加,所以除咗超級暴熱,亦都可以突然超級暴冷(之前香港三度同成個華南結冰證實咗呢點)。
所以科學家們似乎考慮少咗水蒸氣同天體級勢能呢兩隻大魔怪⋯佢地嗰一點五度亦危危乎了。
快!壓止全球暖化一定要快!
否則⋯機會越來越「飛歐」了!!!
作者:正在轉化ing IQ 博士型中的有聊得很
喜欢我的文章吗?
别忘了给点支持与赞赏,让我知道创作的路上有你陪伴。
发布评论…