wafflemanhk

難忘的赤柱假期

有一日假放,想遠離一下煩囂嘅都市,諗一諗,赤柱呢幾年來都無去過,聽講比以前唔同左,就決定自己一個人,帶埋相機,搭巴士入去,行下沙灘,行下市集,影下相,做下「一日的旅客」。

赤柱,雖然變左唔少,但給我嘅感覺,依然系以前嗰個赤柱,一個讓人放鬆心情、心曠神怡嘅地方。行到赤柱廣場,搵到一間叫Waffleman嘅甜品店,見唔多人,就入左去坐下食下野。一開始見到 Waffleman 係知道佢有售賣散水餅,係今次去赤柱先知原來佢有實體店賣比利時窩夫既。去到赤柱行到攰,就去買件waffle坐低食下嘆下,除左有waffle食之外,鋪頭出面仲望到個好靚好大既海景。

Waffleman有室內室外座位,兩邊座位數目差唔多,室內可能少D。我搵左個近落地玻璃,面對住外面嘅座位坐低。店內嘅設計沒有花巧,但就散發出淡淡的歐陸情懷,一個開放式廚房,牆身以鮮艷的橙色同黃色為主,重有貼上左一D比利時的景色、人和事及窩夫有關的相片作裝飾,枱凳清一色系白色,簡簡單單,但充滿生氣、活力。

攞起餐牌,發現原來呢間系waffle專門店。16款不同味道的窩夫,有經典口味嘅、忌廉口味嘅,而烈日窩夫同新地還會不定時推出一款期間限定款式。當然,還有一D嘅簡單飲料供應。特別嘅系,餐牌上有D介紹點食窩夫的方法,都算系幾特別。我見香蕉朱古力列日窩夫賣相吸引,所以就要一個。

據我所知,烈日窩夫來自比利時,有別於普通窩夫,經過發酵的烈日窩夫會較為煙韌及鬆軟。但呢D都只系聽聞過,未親身試過真系唔知系點。

等左十五分鐘,我嘅列日窩夫終於送到。由於窩夫系即叫即製,所以放隻手埋去都感到暖笠笠嘅,非常新鮮。烈日窩夫加左一層糖衣,窩夫機嘅坑紋明顯而獨特,窩夫上有切左粒嘅香蕉同棉花糖,中間有一球忌廉,上面有一D朱古力碎,整個烈日窩夫都淋左D朱古力漿上去。整個外觀睇落,非常吸引。

這個是屬於烈日窩夫系的窩夫入面含有珍珠糖,珍珠糖於烤烘過程中不易融化,食落中心部分是有點煙韌(不是卜卜脆身那種口感),窩夫面都會有一層閃閃好像是焦糖層,但我親眼看到不是後加,是自然的,除了主角窩夫外,配料有棉花糖加巧克力醬,上面的是薄荷朱古力碎片,雪糕感覺好快溶,所以我是大啖食,不過後來發現雪糕融化了,但窩夫仍能保持脆面(沒有淋)

用刀切開個窩夫黎食,食落,真系會停唔到口。首先系個窩夫,食落甜中帶一點點咸,好重嘅牛油香味,口感柔軟、煙韌,而且鬆軟。加埋香蕉同棉花糖一齊入口,令原本甜甜地嘅窩夫,混合上香蕉嘅香味同朱古力嘅甜味,令味道更為豐富、更有層次。唯一有少少唔好就系中間個球忌廉,雖加上左朱古力碎,但食落仍然覺得有D膩。但整體來講,四個字總結:一試難忘。至少,我食完一件系有再想食多件嘅衝動。

比利時窩夫兼做最熱門散水餅2021!呢間小店都有提供甜品到會同散水餅ig網店,有窩夫棒、冬甩棒、曲奇、蝴蝶酥、貝殼蛋糕等等,個個都有獨立包裝好適合買一大堆!

望住赤柱怡人嘅景色,享受住如此令人難忘嘅甜品,心情霎時放鬆晒,什麼煩惱憂慮,一掃而空。今個假日,滿足啦! 窩夫細細但吹住海風食,心情特別好!!

Like my work??
Don't forget to support or like, so I know you are with me..

CC BY-NC-ND 2.0

Want to read more ?

Login with one click and join the most diverse creator community.