期望減到未讀course之前的體重

其實呢... 真係好多野想搵人傾訴吓.... 但好多時你睇到個list入面有咩人可以有同感比你傾訴呢? 其實係冇.. 人生對我來講係一個玩笑，偏偏當中的痛苦卻要我親身經歷，唔係其他人喎... 點講呢?? 根本講唔出口。身邊的mentor冇乜邊幾個.. 苦，因為同時間，又冇人令你快樂。睇到其他人的post，收到一個月餅很快樂。想想，過去了的中秋節有送給別人整盒月餅，卻沒有人送我東西。往往，就是沒有人關注那個。

有熟人說，生日快樂而家都不會說，因為人情冷漠。其實早在科技急速發展之後，很多事情變得簡單化，也沒有感情。對於我來講，朋友只說一句生日快樂其實係好hea.. 我的話，大抵係會約食飯送禮物之類。不過遇見更多香港惡人之後，心境被受影響，大抵不要做傻那個。

現在思緒很混濁.. 可唔可以好似排泄物咁一野排晒出來就可以專心致志做自己想做的事?

今日去了警局處理文件，啊... 好grand. 好多內部人士都只係著西裝OL裝，好多棟都係警局，幾有威嚴呀~ 閒人唔准入去，平民係冇機會可以接觸。好好奇個D斯文女人係用咩途徑考入去... 我都想做.. 係金鐘灣仔上行過經過的斯文事業女性，好羨慕啊.... 曾幾何時自己都可以係咁樣周旋, 可惜天意弄人... 點解人地又唔會出現人生倒掛呢? 點解好多衰事偏偏只係找自己... 差，我可以講話我又唔係差，份人。只係際遇差人一截。這個內心衝擊，雖然明白人與人之間的分別，但其實我自己都知根本我自己無能為力。

人生如何開掛? 我覺得若然到60歲才開，那太耐了.. 每次接觸到外界，我根本沒能力招架，打擊到自己整個人，激動地想可以有個人來問，了解明白到我的處境困難，給出指導方向，有明燈。但我知你冇。係網上search如何可以早些開掛.. 那堆東西，好似不太符合我遇到的開掛熟人。咩專心致志做一件事，他根本唔係咯.. 同時間做好幾件事。Anyway, 我會了解，學習，但好悲傷...

其實我不比別人付出少的努力，但我獲得比別人少，而我可以擁有的籌碼並不多.. 這使我不停地擔憂。我很想有人主動坎來關心我，幫我逐一逐一解決手上的問題。幫我可以使前路愈來愈順，前景愈來愈開明。

金妍兒作為花滑國花，話就話周身傷，訓練好多次，食止痛藥，但其實上天好憐憫她。我曾經爬山扭傷腳踝，雖然好了，我以後行平路時都會無端端扭到同樣的位置。滑冰係好可怕的行為，因為那是刀片，極有可能會爆血。但如果不是她，是其他人，像我，傷過一次之後根本沒辦法再穩穩用腳力然後再在上面做高難度動作，誰更慘?! 我不怕辛苦不怕吃止痛藥，但問題係取決於能不能。

其實我知自己覺得好辛苦，但冇人知我有幾辛苦。亦都唔會有人想去了解明白身邊的人。

4個月的course完咗，肥了好幾磅。希望有能力減番，但因為疫情.. 都比較難的事。好多人以為我本身就瘦，其實我以前130磅都試過。我好長一段時期係好肥，減唔到，同埋我經歷的日子好黑暗的... 有男人玩弄於你掌心之中，感覺就如落地獄，到而家，我都好少回望。

但係咪未曾經歷過，唔係。

除非有人想知。但因為好多香港人非富則貴&內心自私，所以他們有他們合理的價值觀。

又厭食呀... 又暴食呀... 又飲食失調呀.... D人冇經歷過就係冇經歷過。單純讀書壓力，我都有，我有的更多，我有壓力，有盡力，但我能力不夠，唔夠分上大學。我唔算蠢，但我係冇能力，唔知有冇人反對? 我做好多題目，做5-10年至少。唔夠睿智。數學都操了好多題，不停狂做，都只係拎到D.

同我出來做野差唔多，做到死唔去，但會重傷不治。真可悲可憐。同人講? 冇人幫。其實呢~ 資本主義底下，你死唔去，即仲可以繼續遭則啦~ 我已經係搵大學的工種的了，我唔係搵商場個類高競爭呀，點解要咁對我啫?

講番轉頭... 好多苦自己食了。食完冇獎攞，又點啫?

總之呢~ 我係肥底吖, 期望減到未讀course之前的體重，有消息再話比大家!