whatsthematter
whatsthematter

依篇應該係打比鼻敏兒睇

依篇應該係打比鼻敏兒睇既,因為係網上都好難搵到一篇D人滴鼻的過程點樣發展... 可能通常他們屋企人幫他們滴,太小個唔識分享,又通常係D宣傳文,話滴完屎忽都開花~ 其實我都見內地有人用完留言話冇乜用,有D就話有幫助.. 他們都係用暢迪的。總之呢~ 我覺得都可以網上打吓,如果有人唔小心一個唔覺意搵吓D資料,都可以幫助吓依D病態患者,雖然我寫D野係好personal的野,但冇計~ 冇人比錢我寫D符合你們口味的野,所以係塭係屎都照tun吧~ 好多人講野都係up緊廢話你又比錢他們洗。

即唔係個個人需要鼻敏去到脫敏,即要行到依個status. 好多人只係暫時性免疫力低,即好似病個排有事,醫生都開抗敏藥比你,過吓就冇事。依D就唔洗花大錢花時間滴,有D平時可能都過敏,但如果唔影響日常,間唔中先噴下鼻的,都可以唔洗滴。我係由小學開始就有發作,但exactly你話小三、小四定小五小六初起,我就唔記得。總之小學的時候就已經開始有,但隨著年齡增長,同埋我用藥過度(係有少少既.. 即一粒唔掂就兩粒, 即好似吸食毒品咁樣..) 因為我要捱學業,功課考試上全日堂.... 快速處理掉的方法好多時就係咁。當然有食過吓中醫食療,但冇時間,同埋邊有咁多錢keep著保身。以前我屋企好多塵,他們住得到,得我一個住唔到,同埋開冷氣他們都中意開到好凍...等等。總之,累....

我一直都keep著有運動,如果唔係我都唔會keep著一直都瘦。所以唔好諗,運動可以幫到你,你係敏感底,你成世都係敏感底。坊間講咩做多D運動就冇事,食多D營養食物就好,係唔太關事。他們唔係你,根本就得個講。

依樣野,嚴重的,愈早搞掂去愈好。就唔洗食咁多藥,噴咁多野,成日清潔洗被等等。聽講話滴完副作用會記憶力低,我都係網上見人咁講,但我唔知啦.. 但因為依樣野,我專注力好難,我神經成日都衰弱(即冇其他人咁有機心,諗野講野做野會有好多套路,又或者,讀書思考上會諗得更全面深入。我好快腦就會中斷,blank, hang機,繼續run落去會比其他人顯得痛苦,即你的極限為他人的無限。)但個時,我係完全唔知道有脫敏依回事,身邊人冇講,文章冇講,睇過的中西醫生冇講,我點解知脫敏,係我的救星-----老公,一個完全唔係讀醫科又冇家族背景成員有相關病患的一個平凡男人。係依一點上,香港醫療係好落後,我先發現原來香港醫療知識超唔掂,而且公營醫院冇配套,醫護人員及醫生的水平未達到。有次我講ige test用針刺方法,個西醫由外國回來的聽都未聽過,我O晒嘴。另外,有次被人用長針插鼻腔睇,話好清啊冇事啊,又係諗著開抗敏藥打發我走。我被她插完,我就不停打乞次流鼻水... 真慘.. 我係內地醫院,直接同我做免疫力測試,有效好多。係香港,下下做就幾千蚊,但其實知&根治係兩回事。而且,如果對冷空氣過敏,暫時冇test test得到。

台灣有益生菌抗敏,根據係鼻的問題係反映腸胃的問題,應該由腸胃入手,個腸部冇相關的益生菌量數,死咗,增加番就加強番個免疫力。依點我都信信地既,因為我腸胃一向mama, 可以食相關的益生菌補充。但我補充極都補充唔到,冇乜反應.. 我覺得冇效果,但營養品而家有時不時食吓。

Anyway, 而家暢迪5號差不多9個月,依排我係超級辛苦的,正如之前文章提到過啦.. so far我係早、午、晚不停洗鼻, 有時300+300, 有時300. 同埋有埋其他配套輔助,但都係辛苦的.. 聽人講,有D人早有反應有D人遲有反應.. 跟每個人大滴小滴呀等等有關。他們有D話會覺得舌下痕.. 但我依個症狀冇.. 所以我都唔知係咪代表D藥出緊效.. 話說,頭一個月,1-4號個時,轉變係明顯的。以前我辛苦到早上已經打到好累,個人係飄,失神,無法工作的。(我昨日同老公講笑說我係打乞次達人,我係得依樣野勁&成功) 所以個時以為接著食5號都會有效果,但又唔係喎... keep著靜止咗唔動,我依然都係沒改善,一直一直都係冇改善,但有keep著滴的。我心諗D藥係咪假, 仲要滴咁長時期, 又冇效咁既... 有反映過冇效洗唔洗停藥(因為真係keep著狀況同以前差唔多, 即第2個月到依家) 我老公話繼續滴,咁就繼續滴..

所以我就唔知依排反應係咪藥效發揮作用的情況了... 如果你們有走過相同路的人,不坊提供下資訊。

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论