亞的呼聲Adiffusion

學中文嘅日本仔|香港歷史|飲食文化|周圍旅行 喺度練習寫中文,如有語病請幫我指正,唔該!m(__)m 座右銘:不登高山,不知天之高也;不臨深溪,不知地之厚也

「蔓防」前最尾一日

日本政府陸續宣布「蔓延防止等重點措施」,實施期間將從1月21日到2月13日為止。「蔓防」前最尾一晚,我去新開嘅茶餐廳同橫濱最出名嘅酒吧街,睇吓情況點樣。
京急線「北久里濱」站附近新開嘅「九龍冰室Hong Kong Cafe A Better Tomorrow」

  由於疫情嚴重,關東一都三縣包括東京、神奈川等等,21日起開始「蔓延防止等重點措施」(簡稱為「蔓防(まんぼう)」),晚上8點之後禁止堂食。所以尋晚放工之後我去咗北久里濱新開嘅茶餐廳食晚餐,嗌炸雞髀配薯條。

九龍冰室Hong Kong Cafe A Better Tomorrow(北久里濱)嘅「炸雞髀配薯條」

  呢個喺香港茶餐廳「下午茶餐」入邊最典型嘅菜色,令我諗返起喺香港嗰陣成日跳11-14點嘅午餐時段,到14點開始下午茶餐就入店嗌嘢食,努力慳水嘅生活習慣喇⋯⋯嗰間有唔少菜色,魚蛋、蘿蔔糕都係手工嚟,同埋顧名思義,嗰間係以《英雄本色》為主題嘅舖頭,內裝有唔少有關嘅item,睇上嚟好有趣。

野毛地區老酒吧之一嘅「山莊」。呢個調酒叫YOKOHAMA,表現橫濱港日落嘅殷紅色澤

  跟住我喺櫻木町轉線嘅時候冇啦啦行街,嗰度附近有橫濱最繁華嘅酒吧街(個名叫「野毛」),好似係蘭桂坊咁嘅地區。我以為2022年冬天嘅night life最尾一日,應該會有唔少人應該趁吓墟飲吓嘢,但係街頭竟然空框框咁,場面觸目驚心。

目前「蔓防」係到2月13日為止,但係今次疫情睇落已經控制唔到咁,我估實施期間延到三月之後,或者會轉到「緊急事態宣言」。非常擔心⋯⋯

Like my work??
Don't forget to support or like, so I know you are with me..

CC BY-NC-ND 2.0

Want to read more ?

Login with one click and join the most diverse creator community.