亞的呼聲Adiffusion

學中文嘅日本仔|香港歷史|飲食文化|周圍旅行 喺度練習寫中文,如有語病請幫我指正,唔該!m(__)m 座右銘:不登高山,不知天之高也;不臨深溪,不知地之厚也

野營炊具整粵菜/キャンプ道具で広東料理を作る

奧運強行之後日本疫情愈嚟愈唔好,確診雨後春筍咁增加,疫苗接種計劃仲係好慢,冇得出去同啲朋友一齊野營煮飯飲酒,我獨自喺屋企將新嘅炊具開鍋、保養下、試下整飯。

我平時份人好indoor,鍾意留喺屋企睇書,但係有啲outdoor嘅嘢好吸引我。比如釣魚、野營嗰啲世界,從新手到內行、從平到貴,入邊有好多種類、好多grade嘅用具,佢哋強烈刺激我佔有慾。

特登係野營炊具,有stove呢、mess tin呢、餐具呢、Sierra cup呢⋯⋯買一個就出去野營試下用餐,用餐就想買第二個,對我銀包嚟講應該係惡性循環嚟㗎。

上個月出去埼玉縣day camp,嗰陣用Mess Tin同pocket stove嚟,自製臘肉、小野寺san畀我嘅自製臘腸同米飯煮埋一齊,挑戰整「臘味煲仔飯」喇

野營用具有唔少鐵質嘅炊具。出去野營之前佢哋必需要seasoning等等嘅開鍋儀式,同埋每次用完後唔好用清潔劑清洗,搽啲植物油喺佢哋表面,避免生鏽,有時覺得實在麻煩。

經過幾次seasoning,鐵器變成黑嘛嘛咁,叫作blackpot。

但係佢哋愈重用愈黑嘛嘛,咁樣先唔會黐鑊,而且好有風格(呢啲鐵器,或者革製品,用到好耐先有獨特嘅風味,日文會叫「味が出る」)。所以雖然日本疫情愈來愈唔好,依家冇得出去野餐露營,我有時都要攞我啲炊具嚟保養吓。

clam-shell迷你荷蘭鍋嘅「啫啫雞煲」配Sierra cup裝米飯。

今日用嘅係clam-shell迷你荷蘭鍋,呢個係《CAMP TOOLS》2021年9月號嘅附錄,為咗下次野營需要將佢去seasoning。開鍋儀式做完之後,用嚟試吓整啫啫雞煲。
喺日本冇沙薑,紫色嘅紅蔥頭都冇,我雪櫃冇柱侯醬(去中華街就應該搵到),所以我改變咗食譜啲用料少少。醃雞肉嘅醬料係如下:
①鹽⋯⋯⋯少許
   ②生抽⋯⋯兩羹
   ③老抽⋯⋯半羹
   ④蠔油⋯⋯一羹
   ⑤柱侯醬黑糖⋯⋯半羹
   ⑥生粉⋯⋯一羹
結果味道唔錯,但如果我飲酒嘅話應該鍾意濃啲,同埋下次加多啲老抽、黑糖、柱侯醬等等就更上色喇。

Like my work??
Don't forget to support or like, so I know you are with me..

CC BY-NC-ND 2.0

Want to read more ?

Login with one click and join the most diverse creator community.