Heymandi 的孽綠與散聚——拍拖正經啲定去滾正經啲？

當Tracy呃咗個療程錢之後，自然就無再理我，而我亦當買咗個教訓，出事之後個一個禮拜，我直頭連app都del埋，以為咁就可以抽身成功⋯⋯⋯

當我以為自己會收斂一排，畢竟十萬對我呢個廢青黎講都唔係一筆小數目，但係人總係抵唔住外界嘅引誘，加上個種未知都真係吸引到極點，歌仔都有得唱「難得一身好本領，情關絡終闖不過。」結果，不出一個禮拜，我又泥足深陷，開始進入返個個惡性循環，今次我識到嘅係一個網紅，呢樣嘢我係後來先知⋯⋯

玩app其實好多時都要用啲小聰明，我啱啱開始玩嘅時候好執著要搵個一生一世嘅伴侶，然後個廿幾隻字，我只係打咗兩隻字，用咗好耐都無人理我，結果，我「魯芬急轉彎」，心諗呢度都係無人認真架啦，你點解唔隨波逐流呢，為咗增加成功速配嘅機會，我改咗條題「有無絲求包養」心諗家陣經濟咁差，今次實match 到啦，結果唔到十分鐘，已經有四、五個邀請，同之前個條題簡直天淵之別。

然後，其中一個我覺得可以了解，值得去經營嘅題叫「搵長期固定包養」，呢條題最吸引我嘅地方係個時間性、係長期兩個字，你睇我好似好爛玩，但我都想搵個固定嘅，起碼唔使煩⋯⋯

入到去，我即刻搶白⋯⋯

「hello，你想點包？以前有無試過？」

因為我心急，隔幾秒就望下個佢有無覆到我，我真係以為呢個世界啲人同我一樣孤獨到得返電話⋯⋯隔咗一個鐘到，佢終於回我啦。

「我叫阿恩，今年廿歲，之前無試過，同埋本身有份正職，不過就唔係正行，你介唔介意先？」

我見到呢句，雙眼發光。由細到大，我都係一個好守規矩嘅人，根本上對咩叫偏門毫無認知，但我生性八卦，所以就試吓問落去啦

「咁係做咩架，使唔使日日返工架？」

然後，佢當然就迴避咗我嘅問題，即刻問我

「一個月你想約幾多次啊。」

作為一名宅男，其實唔係好慣成日出街，而且，我同阿恩一樣，呢方面都係一個新手，所以我同佢講，「不如下個禮拜我地見下先啦，你星期幾有時間啊，我就你啊。」「係喎，我地好似未換相喎，不如換咗先，好唔好？」我突然間醒起，雖然我只求解決生理需要，而且只係一個「胸奴」小毒毒，但我無辦法接受自己同一個如花或者欣宜樣嘅異性共赴巫山，所以換相係一個好重要嘅步驟，過咗三個字之後，我收到一個閱後即焚嘅message⋯⋯

呢一刻往往係我喺app識女仔最緊張刺激嘅一刻，我即刻打開咗，一睇，個樣都幾啱我胃口，所以我決定⋯⋯繼續傾落去⋯⋯

後尾我無搵佢，不過原來佢都幾主動，可能真係好等錢洗啦⋯⋯

「我做賭船架，不如下星期三？我果日唔使返工，你得唔得啊？係喎，你住邊架？」我覺得好奇怪，所以我只係答咗佢「我住東區啊。」

「I see, 好遠，我住元朗架。」

「oh，又真係幾遠，咁我地約邊度見會比較方便？」

呢個時候，我期待過佢同我講銅鑼灣、尖沙咀之類，點知，唔夠十分鐘，我嘅幻想就已經完全幻滅⋯⋯

「我第一次通常都只係約元朗，其他地方，熟咗先會再去，你又話今次就我嘅，下次先由你嘅地方啦，廢事行到咁遠，比人放飛機。」

我心諗，你又話第一次，點解好似咁熟路嘅，而且要騎牛入去爽個幾秒，叫個幾聲嗯、啊、哈，到底係咪真係值呢，我內心好矛盾，我係咪真係咁需要滿足呢個慾望呢？加上佢前言不對後語，我真係好怕中伏⋯⋯⋯

正當我內心千軍萬馬打緊仗，打算遲少少覆佢嘅時候⋯⋯阿恩又再message 我啦

「我聽日要上船開工，喺公海收唔到電話，我星期二晚再搵你啦。」

我見到呢句，覺得唔對路，我地所有細節都未傾過，而且佢仲聲稱自己撈偏，我又怯了⋯⋯

講完一大輪，我先醒起「喂，我地好似有啲重要嘢未傾喎。」點知佢已經無再覆我啦，仲要單剔埋，睇怕我都係要等到星期二，但中間發生咗一件事，令我又一次覺得，不如正正經經搵個女朋友拍拖啦⋯⋯

就喺星期一晚，我打開電視「警方昨日破獲一宗援交騙案，受害人被騙去鉅款，其中最大宗個案，損失金額達八十萬。」

我一聽到，即刻打咗個凸，心諗世途實在太險惡啦，不如努力啲搵另一半算啦⋯⋯

但每當我行入洗手間洗面照鏡嘅時候，我又忽然覺得，正正經經拍拖先係不切實際嘅諗法，一個人要洗兩份錢，估晤到細個背嘅唐詩，真係影響到我嘅人生觀，詩聖社甫有兩句咁嘅詩「信知生男惡，反是生女好。生女猶得嫁比鄰，生男埋沒隨百草」

過咗就嚟千三年，呢個觀念，依然歷久常新，其實都喺香港地，做男人真係好辛苦，明明搵錢就難過女人，但好多時，負擔就重過女人好多⋯⋯⋯諗到呢度，我好決絕咁落咗個決定，都係正正經經咁嫖啦～～

曾經，我好相信愛情係要用忠誠黎維繫，如果唔係有過被人帽嘅經歷，我真係無咩興趣做花和尚⋯⋯亦都係因為咁，我嘅愛情觀越來越扭曲，宜家嘅我就好以前個啲珠寶廣告咁「只在乎曾經擁有。」

宜家嘅我覺得既然都只不過係廿幾歲，宜家定性，幾時先捱到老？比你捱到老又點，你係咪甘心放棄成個森林先？或者你會覺得我好矛盾，但做人本身就係愛恨交纏，清醒嘅時候咪用下個腦囉，醉咗，用下半身諗嘢都情有可原嘅。

就係咁我又滿心歡喜咁等星期二，等佢覆我，等奇蹟降臨喺我身上。

https://button.like.co/kky71978688