甘米
甘米

love nature, love travel, love drawing, love photographing

My little detour - 《日遊Taxco》

27 Jul 2019, Sat (Day 58 晴,Mexico City-> Taxco-> Mexico City, Mexico )

今日07:15起身, 諗住早的做咩都方便D。 但其實由起床去廁所食早餐睇新聞查旅遊資訊原來都用好多時間, 搞到最後都09:00先出門口。 本來今日係去Puebla, 但諗諗下其實我去完其他city都會返San Christobal de las Casas攞眼鏡同搭車去危地馬拉, 所以我決定回程時先去Puebla。

今日天氣好好, 所以一係就去Teotihuacan, 如果唔係就係Taxco。 由於好多時星期一博物館都閉館, 查完Teotihuacan 星期一都開喎, 咁不如星期一先去無咁多人。 於是迅速望一望邊到搭車去Taxco, 終於搞掂出門口。 今次我認到路了, 順利去到地鐵站。 由Hidalgo搭十幾個站去到Tasquena, 出閘後再跟指示行去la terminal central del sur 站。

呢到都有好幾間巴士公司, 我睇ADO個牌唔係好見有車去Taxco, 於是過左隔離Costa問, 10:05車full左, 下一班10:20, 票價260 peso。由於只係09:45, 我諗住問埋ADO有無車先再決定買邊間。 咦, 250 peso仲平喎, 仲比我發現佢有10:05車。其實我都有一刻猶豫好無去, 因為day trip淨車費都500 peso好貴, 不過算啦, 嚟到都去下。 點知前面太多人排隊, 去到我已經10:05即係架車已經走左, 再下一班是11:05。 咁無啦, 基於孤寒又問左一下星期一幾點有車會唔會平D, 都係250 peso,咁跟返呢個行程唔轉plan了。 於是我走返去Costa買10:20車,問左應該搭兩個幾鐘。

順利買完飛去多個廁所 (5 peso), 諗住買少少野食或野飲上車, 但食物極不吸引。 諗住買枝果汁又勁多人排隊。因為只淨唔夠10分鐘, 免得因小失大, 我決定捱下渴。 丫, 點知真係可以即刻上車, 好在無買野飲。 原來上車前會問你飲水定汽水, 車費包埋的, 勁喎!即刻覺得抵返少少咁多。

坐我隔離的auntie好勁, 唔係刺繡就睇書, 佢仲比我試下刺繡, 不過我唔敢, 驚搞爛人哋的野。 由於入到去Taco塞車, 所以最後都真係搭足三個鐘先落到車。不過呢, 呢到好靚呀! 之後驚走嗰時買唔到回程飛, 所以都係買定18:05車穩陣d。

買完車飛我就開始行, 人行我行, 我總喜歡從街巿開始🤣。既然都由街巿開始, 咁梗係去食少少野先, 我入左間taco店, 見到有塊野好似炸魚咁, 於是點左嚟試, 原來佢會再夾落tortilla到, 再加的飯咁搞掂, 食落終於知道係矮瓜, 但唔錯喎, 而白色嗰粒我就食唔出係咩了。 之後再叫左雞的taco, 今次我醒, 識得加汁加料, 佢地有提我係辣, 但我諗住惹未的所以都加左, 食落係少少辣唧, 不過我都附送左個辣的表情, 個女仔好好問我使唔使要水, 我話唔使喇我有。 點知佢斟左杯似山渣的果汁比我, 仲要唔收錢架, 點會咁好架?呢餐承惠38 peso, 我食完仲要借廁所添。

跟住我一路上坡, 好快已經行到去教堂, 我都唔執輸, 係Taxco個地標前面打打卡先。 跟住行入教堂望, 仲有人舉行緊婚禮添!

我唔知點解咁為食, 見人食脆脆炸薯片的friend我又要左一包嚟試, 佢地會係包嘢到加青檸汁, 我仲叫佢加左少少辣醬比我添, 係幾得意, 但食落就會成手汁好輪盡。

由於我無咩特別想去的景點, 所以我見路就行, 又基於呢到係山城, 所以好容易就跟住向上行。 行行下見到山上有個Christo基督像喎, 既然都好似快到, 咁睇下行唔行到上去啦。 咁啱有個叔叔問我係咪去Christo, 順口答左佢係, 佢就好大聲叫前面個Mexican等埋我, 陰公了, 要比我拖累, 雖然我都有叫佢如果趕就唔使理我。佢都好好, 同我行左一大段, 佢本身住Guanajuato 定Guadalajara嚟Mexico City工作, 佢係一個Architect, 好勁呀, 所以佢都勁鍾意睇四圍的建築物。佢話原來Mexico有107個magical place, 呢個山城當然有份, 但原來Oaxaca有成十個magical咁多。 我地行到上Christo的捷徑就分道揚鑣, 我改行遠少少又平少少的路上。 雖然條路長左, 但都係斜嘅, 好彩都好快行得完。 上到去影完個耶穌像同埋四圍影下, 呢到幾靚又舒服, 後嚟有個墨西哥人過嚟r水吹, 問下我係Mexico留幾耐, 識唔識西班牙文, 唔識溝通靠咩方法旅行......講講下有嘢分散左佢注意力, 原來嗰到有個裝置係比人挨出半身高的圍牆外。 個男人叫我試, 我就真係無興趣了, 一嚟咁樣影好易有雙下巴, 二嚟我真心有的驚跌落山。 佢叫我豁出去試, 我堅持婉拒, 仲同佢講慢慢玩我再周圍睇下先。 之後又見返一齊上山的男仔, 仲影左張相留念添。 影完後我今次嘗試抄小徑落山, 丫, 係睇落斜少少, 大部份都算平, 唔知點解平時行開山嘅我覺得好斜, 但明明我對行山鞋嚟, 驚咩呢? 無驚無險落左呢座Christo山, 等我買枝汽水奬勵自己先 (8 peso)。慢慢再朝山腳走去, 反正未夠鐘我又去左market買蕉 (7 peso) 同埋雜果fruit cup加辣醬 (20 peso)。 我見自己已行得差唔多, 所以去左巴士站問可唔可以改早一班車, ok wor, 由18:05改17:30, 感覺上早的又安全的。

等左十分鐘就上車, 今次變左人手安檢摷袋, 但其實都好求其。 我呢次又攞左枝水, 上車第一件事仲去左個廁所添。 跟住隔離嬸嬸不停同我雞同鴨講, 問我有無買野, 邊到嚟之類, 好搞笑。回程大概2.5小時, 轉地鐵返到去, 食埋杯麵沖埋涼就瞓了。



已用:613 peso 

  

260 peso Bus ticket to taxco

5 peso toilet

260 peso bus ticket from taxco

38 peso 2件tacos

15 peso 零食 

8 peso 335 ml cola

7 peso 2隻蕉

20 peso fruit cup

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…
加载中…

发布评论