My little detour - 《令人卻步的Guatemala visa; 趕得切Xochimilco 小遊》

由於今日諗住應該行程緊密， 所以我7點3就起左身， 睇下佢個hostal包埋嘅continental breakfast有幾巴弊， 點知一上到去天台冷冷清咁， 我仲以為早餐未ready, 原來已經一眼睇晒， 得西瓜木瓜多士同麥片， 等我仲滿心期待咁， 無喇， 如果之後要早出去而放棄早餐都無咩可惜。

以為自己時間盡在掌控中， 點知搞呢搞路， 出得門口都9點多D， 拿拿淋去影印鋪影印加print嘢， 點知琴日問左話9點開嗰間文具鋪未開， 唯有行遠少少望， 丫， 原來附近仲有另一間， 仲可以自己login上網， 唔使好似問左嗰間咁要將個email send比佢， good 丫咁！呢到上網時租10 peso, 打印同影印黑白都係每張1 peso, 價錢都好合理。 我以為好快搞掂， 點知email偵測到有異常唔比我開， 又要send驗證碼比yahoo mail去verify, 慘在我又唔記得yahoo mail password, 最後搞左一大餐， 用多20分鐘先搞得掂（印左機票itin,住宿證明， 2張credit card底面連上網合共20 peso)。跟住返hostel去多次廁所就出發。 但我仍然未熟路， 搞到又花左少少時間搵路。 最後終於搵到地鐵站， 仲見到有攤檔炸緊唔知咩野食， 由於睇落唔錯， 我買左一件， 我估係雞肉同薯仔卷掛（11 peso), 但就硬同乾左少少。

今次我醒， 一次過買兩張地鐵飛 （10 peso), 然後就係咁望住地鐵線圖轉車， 最後到Auditono站落車， 問左架的士去大使館幾錢， 佢答我80 peso。

我上網睇過大概30-40 peso, 就算加價都無咁誇掛， 仲要望完google都係十幾分鐘車程， 一氣之下我跟google行， 約25分鐘已行到。 去到大使館有個窗仔， 裏面的保安叫我比本passport佢登記， 之後就開門比我入去。 見到職員後我就問BNO要唔要申請簽證， 其實有望過， 佢已註明BNO係要， 咁好啦， 我就摷晒要交的文件比佢 （passport, US visa, air ticket, hotel reservation的copy同埋相 （咩背景顏色相都接受）， 之後我望到塊牌有寫visa收費， simple entry for 1 month US50, multiple entry for 3 months US150。 OMG, 係咪幻象， 我明明上網睇係單次US25, multiple係US50。 我晴天霹靂隨即問佢我睇嗰個係咪official website, 佢地望左之後話唔係。 由於價格倍升， 我叫佢比時間我考慮， 然後自己盤算仲去唔去Belize好呢, 因為BELIZE後入返危地馬拉又要再簽多次 （或而家申請multiple)。 最後我決定都申請個單次先， 不過佢地話到危地馬拉入境時可以同佢地講要留3個月 （佢只係話危地馬拉城飛機入應該做到， 唔知其他陸路入係咪都得）。 佢比左張form我填， 但原來墨西哥的入境卡都要影印， 佢叫我出去影， 好彩都比左條路線我， 叫我去office depot呢間野影 （1 peso)。返到去填埋份form, 比埋US50 (留意不設找續， 要自己預備exact amount）。就係咁， 等左唔使10分鐘佢就比左個簽證我。

跟住沿途行返出去， 本來諗住咁近， 參觀埋個National Museum of Anthropology 同埋Museo de Arte Moderno 先走， 但似乎半日遊Xochimilco更適合， 見時間已經中午12點幾， 如果行埋呢兩個館先去Xochimilco 又會太晏， 所以我最後決定放棄， 遲下先過嚟。 就喺去地鐵站途中， 我就係街邊買左個豬手肉夾餅（20 peso), 我係咁加洋蔥同sauce, 好好食呀大佬， 但係比我加左太多辣汁所以要買枝蘋果汁頂住D辣。如果下次過嚟參觀參觀博物館， 我一定再幫襯。

之後就搭地鐵先去Tasquena站， 然後轉搭tren ligero, 其實就係先搭M1巴士到Huipulco站轉輕鐵站物體到Xochimilco, Huipulco落車行前少少轉右再過少少馬路就已經係輕鐵站， 而成程車你只係需要比巴士嗰2 peso已包埋輕鐵， 抵到爛。 但其實明明輕鐵都可達Tasquena至Xochimilco 站， 咁點要分兩轉車呢， 我唔係好明。

唔理咁多， 落車已經2:30pm, 我梗係把握時間睇野， 佢地呢到0既人好好，有個導遊明知我根本唔識西班牙文唔會跟tour, 但都講我聽個景點喺邊， 就係行前4個block轉左再向前行兩個block轉右。 你唔好以為佢話我知就算， 佢仲踩住單車帶我過去， 唔係煩嗰隻， 係超前之後再等埋嗰種， 超級sweet。行到入去勁壯觀， 好多船仔泊左係到， 但坐船的人...可能已出發， 我唔係好見有遊客係船上。咁當然都有人撩我坐船， 但大佬呀， 包船一個鐘要500 peso, 得我一個無人share, 我梗係唔坐啦， 而且我根本都興趣不大。 後來有個阿叔開價300 peso, 但我真係無意慾坐， 喺到影下船就已經好開心。 係嗰到仲比我撞到個法籍港人， 嘩， 佢的廣東話講得好流利， 勁有親切感呀。 

睇完船仔我就出返去個town仔周圍兜， 其實呢到都幾舒服， 的店都幾有趣， 我行過見到有小販賣包， D包仲有幾塊葉嘅，由於個造型好搞笑， 所以想買嚟試， 但原來只係decoration。咁問左價錢都買啦， 其實25 peso都唔平， 好彩算好食。

行行下見到wet market就梗係入去參觀下， 除左買左兩隻蕉外， 我仲見到好多有趣野， 有見人整tortilla啦， 有牛肚湯賣啦、 有靚同唔靚嘅巴斯pinata啦， 行得勁開心。

跟住再行返出去，明明好飽， 但見到朱古力軟雪糕又好想食， 所以又失守 （9 peso)。

本來已經諗住搭車走， 但係好急要搵廁所， 又比我搵到間cafe喎， 既然廁所要比錢， 我決定去cafe飲moka (28 peso) 去廁所仲抵， 因為我最少都去兩次🤣🤣

之後搭返輕鐵返去， 我去售票機到買， 但原來要買張類似八達通的卡， 我又孤寒底， 諗緊點解要入多10 peso。 有個女人好好， 佢見我搞唔掂過嚟幫手， 最後佢同職員講左一大輪，最後都係要入多10 peso, 但佢人真係太好， 要等我搞掂同我一齊搭車， 走時仲委託其他人幫我， 雖然其實我只係想知有無得refund返張卡， 但都好多謝佢仲託左人帶我轉車。

之後去返Tasquena搭地鐵返Hidagol, 但出左個唔近的出口， 下次要記得了。 返到去撞到琴日嘅內地朋友仔又傾左陣，再同hostal講加兩晚住宿， 改為於7月30 check out, 費用320 peso, 比左500peso佢找， 佢竟然找左2張50 peso, 2個5 peso, 其餘都係2、1同0.5 peso, 真係好散下， 咁多碎紙點袋好呢？都無法， 跟手沖涼寫埋遊記要瞓了。

已用：495 peso 

       US$50

20 peso photocopy

10 peso 2 mtr ticket

11 peso唔知咩鬼少野， 好乾

12 peso apple juice

1 peso photocopy

20 peso 豬肉包， 好味

15 peso 果汁

2 peso 巴士+tram去Xochimilco

25 peso 大麵包

14 peso 果汁+ 杯麵

8 peso 兩隻蕉

9 peso 雪糕

28 peso moka

320 peso for stay 2 more nights

50 US for single entry visa of Guatemala