甘米
甘米

love nature, love travel, love drawing, love photographing

My little detour - 《豁出去, 做喜歡的》

4 Jul 2019, thur (Day 36 晴 Bacalar, Mexico)

琴晚瞓得普普通通, 有的流汗, 但瞓著又少少凍, 所以整晚都輾轉反側。 係床碌到8點幾落去食餅同咖啡, 我不得不講, 裝餅個bowl超靚, 我食完餅飲完啡後, 不禁問reception個男仔的碗係邊到買, 佢話喺Chetumal, 搞到我勁想去, 但就算我真係去買, 都托唔到的碗碟周圍去啦! 所以直放棄。

之後又吹下水, 問佢其實個lake係咪得一個public entry, 原來出hostel行落馬路轉右手邊都有的public entry, 再傾傾下我問佢會唔會recommend我參加tour, 佢就講左個boat trip我聽, 會去cenotes, 會落下水, 300 peso, 同peru女仔講的爭50 peso, 問佢幾點開始,佢話10點, 唔知點解當刻咁心急好想參加, 所以我就問間野係邊, 然後諗住衝去報名 (嗰時9點幾), 之後個男仔話可以係hostel報名, 包埋來回的士, 咁我二話不說叫個男仔幫我arrange即日出發 (其實有問有無得平)。 之後我就返房執野去玩喇(可能我琴日去public entry到見坐船1個鐘都收250 peso, 所以覺得呢個都合理。


原來同hostel仲有兩個人參加, 咁我地一齊去到個tour公司iselitastour, 咁我諗一陣會好口渴, 所以買定枝水 (10 peso) 。等左一陣再嚟左3代同堂同埋一家大細。 咁其實個tour會係個湖兜嚟兜去, 睇唔同cenotes, 又會比大家落下水游下咁。 其實呢個7 colors lake真係好靚, 有唔同的藍色, 淺藍色部份比較淺水, 好似係人工建出嚟的淺灘, 而cenotes則可深至150米。 而全程三代同堂的阿姨對我好好, 知我唔識spanish又會講解下, 我今日仲唔怕醜勁多自拍添。 個tour全程2個鐘, 不過你唔好問睇左咩cenotes, 我一個都聽唔明, 但見到海天一色已經心滿意足。

完左tour準備走去等的士之際, 三代同堂的孫女出嚟問我有無興趣玩kayak, 佢地話預埋婆婆, 但係婆婆話唔玩, 佢話唔好浪費叫我一齊。 其實我都好想試玩, 所以就跟返入去。我問返佢地幾錢, 我想比返佢地, 但唔知佢地係咪聽到我個plan係想去成年旅行, 所以話係多左, 唔收錢, 真係感動死我。 玩完一個鐘後, 佢地準備去食飯,所以問我住邊可以車埋我, 我就話唔使啦, 我再問下間agent公司係咪仲會有的士, 無的話我行返去都ok。


就係咁, 我真係行返去, 但比我見到好多靚wall painting同幾個public entry, 而我途中仲食左條fraser雪條添, 雪條仲好似有的飯係到添。

最後用左廿幾卅分鐘行返hostel, 返到上房只係洗左個面就準備午餐, 用蕃茄洋葱牛油果同lime自製nacho醬, 其實都唔難食喎🤣🤣。

未幾終於有人入住, 佢係嚟自芬蘭的Anna。本來大家都笑笑算, 但當佢開始問我嚟左幾多日, 我地就傾起上嚟, 仲講到下幾年前佢去mexico的水係好靚, 但因為global warming, 多左多seaweed。 除左傳嚟惡臭, 仲搞到水下面的各種生物接觸唔到洋光, 比以前少左好多魚添。講講下報tour我就話我都再出去準備游水, 我見佢都好似有話未講, 所以問佢有無興趣, 佢話why not。 


首先我陪佢去睇左paddle tour先, 450 peso sunrise paddle, 之後陪佢買少少野食就去左的public entry去個lake到, 但好似琴日要比錢的水靚d。 我地無真係落水游, 坐左陣同傾左陣, 我地就去搵餐廳食野, 不過最後無啱心水, 所以我地改為食大排檔, 今次我揀torta, 其實即係剪左仲底面的包夾肉, 好食喎, 再加枝似山楂汁的物體, total 53 peso。 之後我地又好為食咁食左個叫marquesitas的甜品, 即係捲窩夫包涵, 我揀左香蕉同nutella, 好食喎, 佢地果然係絕配 ( 40 peso)。 跟手我地去買埋水果就返hostel了, 因為明天大家都要早起呢!


已用:424 peso 

300 peso tour

10 peso water

15 peso 雪條

57 peso tortilla n drink

40 peso banana n nutella cone

6 peso guyaba n banana

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…
加载中…

发布评论