甘米

love nature, love travel, love drawing, love photographing

My little detour - 《悠閒西班牙文課》

14 Jun 2019, fri (Day 16 晴(熱)Holguin, Cuba)

由於諗嚟諗去去Guardalavaca好似都係得個睇字, 仲要咁熱無得落水(無人看嘢), 所以都係hea算了。 既然唔趕, 我都成9點先起身左搞搞右搞搞, 終於差不多10點幾出左去garden坐。

host Damaris媽媽好好, 佢係到陪我雞同鴨講, 仲斟左杯咖啡比我。 喂, 原來好好飲架,係因為佢落糖份量剛好, 還是古巴咖啡真係名不虛傳呢?

我地溝通方法係用google translate, google translate雖然係好幫手, 但媽媽有時串錯字就譯唔到了。 媽媽見我係garden周圍影相, 就將佢嘅作品逐樣show比我, 令我悠悠然咁上左一堂西班牙文課, 生果包括limon, coco, cerezas, mango, guayaba, banano, almentras, uva等等。 媽媽一路教我,一路摘野比我食。 發達咯, 我最鍾意生果餐。 原來d cherries嘅核咁得意架喎! 之後佢又摘左幾個芒果仔比我, 仲即時切左個比我食, 繼而仲有石榴, 正呀!

芒果樹
檸檬樹
杏仁樹

我唔貪心, 每樣試左一個之後我就話夠了, 佢叫我鍾意可以攞埋出街或者返房食, 呢的真係好客之道。 無耐阿仔加入幫手翻譯, 越教越多西文真係好難記, 之後又show埋佢地的提子陣比我睇, 好正呀, 我最鍾意水果。 

玩左一輪, 我返返入房整呢整路, 寫多2張postcard 就出去了, 首先去媽媽個仔介紹的sofia cafe食野先, 點左拿破倫意粉( 實情係烚意粉加茄汁 35cup) 同guayaba jugo (12cup) , 講真係唔好食嘅, 但見咁多日無咩正經食一餐, 所以諗住坐低試下啫, 最後放低50 cup走人。

跟住係唔同廣場穿梭, 又係公園仔上網追新聞, 本來仲諗住睇一場古巴的芭蕾舞, 有即日飛呀, 但9-11pm喎, 夜好難睇啫。

唯有繼續係唔同鋪仔穿插, 飲下coffee (1 cup), 木瓜汁 (3cup), 芒果汁 (3cup), 水(0.7cuc), 之後仲買左個7 cup (收左我3.5cuc ,又收多我少少錢的)pizza, 啱啱出爐好好味。

木瓜汁
芒果汁
熱辣辣pizza

而諗起明天離開, 都係買多枝水以防萬一先 。 我都覺得怪, 點解間超巿keep住都排咁多人, 但無法啦, 買水要緊, 所以我都走左去排隊。 但排到咁上下覺得有的唔妥, 點解的人只係企門口就買到需要嘅野而唔使入去呢?之後忍唔住問排我後面嗰個。 我攞左枝水出嚟ee哦哦, 佢明, 佢真係明, 佢話買水唔使排隊架! 噢, 浪費左我20分鐘有多添。 於是去返隔離門口入去, 攞左枝水去比錢之際, 應該某職員媽媽帶左咖啡壼嚟探班, 因為好香我不其然的用鼻索一索。 嘩! 好香呀。 就係咁, 職員媽媽可能覺得我好誇張, 所以斟左杯咖啡我我飲, 太開心喇, 賺左咖啡呀。之後我一手攞水一手攞咖啡就去排隊比錢(17.5cup)。 唔記得講, 超巿會有個職員坐門口, 而佢的作用係check的顧客張單睇下同佢攞走的貨品啱唔啱, 然後係張recepit中間撕開少少窿, 真係任重而道遠的工作。

排錯隊
表情太誇張而獲贈咖啡

買完水我又返homestay, 點知路經一間屋時聽到後面好響的 “dum”一聲, 原來有個芒果從樹上跌落嚟, 好彩我走快一步咋, 如果唔係真係dup中我唔知會唔會變周星星。 跟住聽到對面屋有人嗌出嚟, 原來佢叫我執起個芒果攞走, 但係咁綠, 執嚟都有排先食得, 我唔想攞, homestay媽媽仲有咁多添🤣🤣, 跟住阿鄰居執左。

差點讓我中頭獎的芒果樹

返到去, 我去到前門撳鐘媽媽嚟開門, 但根本無鎖, 樣衰。 放低野後我又出左去garden “r”水吹, 同媽媽傾左陣, 有個本身我以為係細仔的人加入戰團, 又係學西文時間, 佢仲問我有無香港coins, 我就比左2蚊, 1蚊同五毫各一個比佢留念。 傾到咁上下先知原來呢家係醫生世家, 同我傾偈的男仔係囡囡個男友, 同囡囡都係讀醫的, 唔怪得英文ok la。 而屋主老公亦都係醫生, 男仔媽媽就係牙醫, 嘩, 太勁了。 其實哥哥都唔弱, 佢係大學做野, 仲要係幫政府做策劃溝通公作, 咩成家都咁猛嘅。 傾到差不多9點我就返房休息了。


今日共用:           

50cup (spaghetti and juice 47cup)

1 cup (coffee)

3cup (冰凍木瓜汁, 凍到鼻都有d酸)

3 cup (mango juice)

0.7 cuc (water)

0.35cuc (pizza)

50 cup 找返1.3 cuc (water)

Like my work??
Don't forget to support or like, so I know you are with me..

CC BY-NC-ND 2.0

My little detour - 《點解呢到咁少hostel》

1

Want to read more ?

Login with one click and join the most diverse creator community.