甘米
甘米

love nature, love travel, love drawing, love photographing

My little detour - 《噢, 唔識西班牙文係煩d; 終於試左Mojito》

10 Jun 2019, Mon (Day 12 晴雨晴 (都係熱), Havana, Cuba)

琴日因為有房客暢飲慶友誼, 佢地飲完返入房比較嘈, 所以琴日瞓得好麻麻! 今朝醒左, 發現雙手又被咬多好多粒, 今次真係omg!

今朝食早餐時, 同個哥倫比亞的住客傾左陣偈,佢係大學老師, 教graphic design 的, 我發覺美洲紋身真係好casual,男女老少都有, 根本就無咩特別。 講講下原來佢個女跟佢前妻去左澳洲生活, 所以佢希望儲錢五年後可以去到探佢。

食完個1 cuc早餐, 我就出門一鼓作氣咁去搵郵局coreos, 明明我記得琴日我有經過, 但搵嚟搵去都唔覺有, 點解呢! 氣餒之際我決定去公園食國營雪糕, 體驗下1 cup的威力, 不過我都話我黑仔開, 所以...佢係無開門的!

之後出返嚟又比我見到個p16巴士站喎, 問下係咪呢個方向去機場先, 雖然阿站長似乎答係, 但我就唔肯定喇🤣。 之後我又再試一次, 再行多條calle 23一次, 原來係我頭先行得唔夠遠睇唔到。 去到見人排隊, 於是我問門口嬸嬸有無postcard賣, 眼見只有佢前面放左的長方形postcard物體, 但完全唔係我想要嗰的。 跟住問佢郵資, 佢攞左張45的雀仔出嚟, 究竟佢意思係咪寄香港要3張呢, 我聽極都無法明白, 所以我決定去大間d的郵局, 不過行行下我係到諗, 其實點解我咁蠢唔問職員呢, 佢地應該會明d。 好彩另一間coreos都唔算太遠, 去到見到的窗口仔有的有人有的無, 都唔知應該邊個打邊個。 我是但去左一個有人的, 佢指向轉彎位的counter, 我去到個counter終於比我買到, 郵資係0.75cuc (分別係3張印有20, 一張印有10, 一張印有5的郵票, 嘩, 咁多點貼, 我自己係到忍唔住笑🤣🤣 。 最後成功買左20 sets, 盛惠15cuc。

郵票就搞掂喇, 順手問埋postcard邊到買先, 佢指住話最篤, 但我見唔到喎, 個郵局職員好好咁係office入面帶我去, 即係呢兩段平衡線咁。 yeah, 搵到喇, 我係外面見過1cuc一張, 呢到有0.5cuc同0.25cuc比我揀, 而最重大的發現係咩呢? 0.5cuc故然係靚d啦, 原來仲有另一款0.5cuc的係包郵資😱😱😱, 所以當postcard職員知我買1 set要0.75cuc, 佢聳一聳肩唔再問了, 我問佢我係咪買貴左, 佢以一個擦動姆指同食指的手勢回應, 咁大家明白了🤣, 我總共買左20張唔包郵資及5張包郵資的, 一共12.5 cuc。

買完晒野我又行返hostel, 我行車站嗰邊返去, 用左廿幾分鐘, 咁明天時間就好預了。去到hostel樓下, 原來有crew set機拍野喎, 但搞左好耐都未開始拍, 最後落左場大雨仲執晒野添!而我, 就好浪漫咁係大風雨中坐在rooftop寫postcard🤣

由於咁早又無野做, 我決定出去寄埋的postcard! 丫, 我發現到個blogger寫的p16站, 好近喎, 但我未研究係咪真係有車。 之後行返去大學嗰邊, 又比我琴日見到賣芒果的家, 今次我見到果汁喎, 唔知點解好想飲, 一問之下只係5cup,梗係要一杯啦, 仲要係雪櫃攞出嚟凍冰冰的, 太好味了。

唔知係咪咁食慾大增, 我又去左買熱狗。 嗰到住10 cup一隻, 但我比1cuc佢只找10cup, 收貴左喎, 但我無拗, 因為根本我就唔識講。

一氣之下我就去左張20cuc暢cup, 換得480cup。 跟手去埋郵局將5張postcard放落個筒仔到離開。

行下行下, 我見到雪糕店, 雖然不是國營, 但5cup可以一試喎, 咦, 都有朱力味喎, 唔錯! 之後又亂行亂行, 但熱得濟最後又返左hostel🤣

又熱又濕, 個人真係無咩心情, 唯有坐係到hea,睇阿Ki陪唔陪我去飲mojito。我終於係hostel見到佢, 仲相約7點係hostel等添! 我地之後行左去Melicon, 但由於今日落過雨, 雲很厚, 所以我灺都唔係好睇到日落, 我地行下行下就去左城堡對面附近。 跟住我地有行返轉頭, 眨眼到我琴日經過的酒吧, 坐低問佢Mojito幾錢杯, 佢話4cuc, 貴左的喎! 諗住走之際, 佢話3cuc, 最後2cuc each, 都可以嘅, 我地咩都傾下, 飲到我真係少少wing, 最後返hostel快快執野預備明早出發! 

丫, 今日同阿Ki講開我好surprise點解咁多古巴人有smartphone同tablet, 佢話聽人講有的係遊客比佢地, 有時遊客帶左兩部, 會比一部佢地; 又例如外國親友送; 亦都有係結識左外國另一半, 就算離開左都keep住送野比佢地, 咁緊要?


今日共用: 32.5cuc

           

1 cuc breakfast

15 cuc stamps x20 sets (0.75cuc/set)

12.5 cuc postcards (5of them including postage. 0.5 cup each

Mango juice 5cup

熱狗10cup, 但1cuc只找我10cup

Ice cream 5cup

1cuc (water)

2 cuc (mojito) 

用左20cuc兌480cup

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…
加载中…

发布评论