費格俊，摩連藝，賓尼迪L，雲謙四個來至不同球會的過氣球迷，純分享； 可能，或者，間中，有少少戰術分析； 可能，或者，間中，有少少數據支持。
Jules Kounde高安迪特價50M｜加利尼維利：呢對中堅組合，唔使旨意拿得到英超冠軍
《太陽報》報道，西維爾對於高安迪的報價願意由原來的70M降價到50M。曼聯今個夏天有幾個位置需要補強的消息人所共知，其中最迫切的位置是前鋒和中堅。前鋒傳來傳去都只係夏蘭特，一來太貴，二來太多球會搶，能夠穿起紅魔球衣既機會極微。中堅位置計之前傳的華拉尼後，現在又傳高安迪。在whoscored 睇過高安迪今個賽季的統計數字，又不是比連迪路夫好，而且高安迪身高只有178cm，在英超比賽會否輸蝕左少少呢？之前一路都傳箂比錫的烏柏美簡奴，又係50M左右，但今個賽季的統計數字就靚仔得多，又後生，可惜已轉了去拜仁。
加利佬話，馬古利搭連迪路夫呢個中堅組合，唔使旨意可以拿得到英超冠軍。就咁聽，覺得好似好啱，因為到現在呢個中堅組合每次出場既精神面貌都好似比唔到絕對既信心，能夠有能力守得住條防線，但事實又係咪咁呢？
睇返開季至今，和暫時榜首既曼城相差14分，但曼聯踢少一場，當中曼聯和了9場，輸了4場。呢9場和局裏面，有6場是0:0, 另外就係1:1，2:2和3:3。假設加強防守後可以失少一球，即係話可以令到積分上可以多6分，加上其中兩場輸波因為失少一球變和波，又可以多2分，改善防守後可以多8分，和榜首曼城還差6分。但假設加強進攻後可以入多一球的話，就可以將全部9場和波變成赢波，即加強進攻後可以多18分，直接取替了曼城成為榜首了。
以呢個假設去睇，加利尼維利應該講，繼續用馬素打前鋒，唔使旨意拿得到英超冠軍。
撰文：費格俊
喜欢我的文章吗？
别忘了给点支持与赞赏，让我知道创作的路上有你陪伴。
发布评论…