逼科吹水台

費格俊,摩連藝,賓尼迪L,雲謙四個來至不同球會的過氣球迷,純分享; 可能,或者,間中,有少少戰術分析; 可能,或者,間中,有少少數據支持。

C朗轉身跳起輸罰球成罪人|意大利名帥卡比路:不可原諒

因為曼聯已轉戰歐霸,本來都不是太留意歐聯的賽事,但由於祖記有C朗,所以即管睇下精華。比賽戰至90分鐘總比數3:3,要加時作賽,祖記波圖加時各入一粒,可惜最後祖記輸作客入球,波圖晉級。其中加時祖記輸果球自由球,C朗轉身跳起,皮球在腳底下穿過射入。

「我們選擇誰排人牆,過去從未出現過背對射門的情況,也許他們覺得距離球門很遠,於是不覺得會有任何危險。」派路說。當時,沙治奧奧利華拉的射門穿過C朗的腳入網,那重要的「作客入球」,令祖記難以翻身。
意大利名帥卡比路則點名排人牆的C朗和哈比奧大錯特錯,形容所犯的錯誤是「不可原諒。」

賽後C朗成為傳媒既眾矢之的,走晒出黎責怪C朗,連教練派路都有責怪之嫌。再睇多幾次呢個罰球,當中有9號摩拉達,7號C朗和25號既哈比奧負責排人牆,其實三個人都不約而同地跳起轉身,只不過只有C朗跳唔起咁轉身,冇背對射門既摩拉達及哈比奧都跳起左,即是就算C朗面對射門的自然反應也是會跳起,最後結果都是比波圖既沙治奧奧利華拉射入。今次呢個罰球只可以怪奧利華拉射得夠急勁及角度刁鑽,以及派路平時練習時沒有加入針對罰球地波既防守,如果再好D,係咪可以係人牆度安排多一個人沖出黎殺地波?

摩拉達和哈比奧面對射門,見到地波都仲跳起,又冇人問責;人牆唔安排球員沖出黎殺地波,又冇人問責;C朗有個助攻,反而要負全責。

許文彪:「呢個世界公平咩!」

撰文:費格俊

Like my work??
Don't forget to support or like, so I know you are with me..

CC BY-NC-ND 2.0

Want to read more ?

Login with one click and join the most diverse creator community.