陳可樂
陳可樂

陳可樂 一覺醒來發現自己成為了妖孽,自此展開亡命之徒的生涯

可樂究竟你想點系列(1)—我之所有俱在身


因為很久沒有寫作,所以開一個新系列去迫自己寫。而因為過去兩年掛住做做做同諗諗諗,因此反而少咗向外講解太空站嘅理念同運作。

不過時勢唔同喇。自從一月起,我就當選左Station 太空站既族長。因為有左成員投票授權同天命兩大元素,我講野都更覺從容。

所以,我就不如講吓Station 太空站既各個部分,等大家了解多啲呢個公民協作社群既理念啦!畢竟係一個由2015年開始蘊釀,由創辦至今歷時兩年嘅項目,所以呢個系列會有少少長,希望大家唔好介意。

喺正式介紹運作之前,我想先介紹理念嘅部分,打頭炮就係太空站嘅標語︰「我之所有俱在身,坎坷至星辰」。其實係兩句拉丁文成語嚟嘅。

我之所有俱在身 Omnia mea meum porto


呢句係由古羅馬元老西塞羅(Cicero) 所講既,意思係美德同智慧。點解係美德同智慧﹖因為呢兩樣野係在流放同絕境中你可以帶走嘅野。西塞羅思想上係一個斯多葛學派(Stoic)嘅政治人物,斯多葛學派常常與犬儒學派(Cynics)混淆。

在「不受外界事物影響」一點上,兩群人想法其實相似,最終乃是以行動來區分。

犬儒(Cynic)與Stoic的分別在於,同樣地在現狀不能改變的情況下,犬儒選擇退隱至私人領域,Sotic則仍然參與公共生活。

中文成語「明哲保身」本來係指擇善固執,但通俗化後卻變為「各家自掃門前雪」呢種老生常談,粗略地比較就係由Stoic變成Cynic嘅過程。

另一位斯多葛學派代表人物Seneca,有過以下名言︰

Non patria mihi interdicitur, sed locus. In quamcumque terram venio, in meam venio. — Seneca (sect. 1–2: “Exulabilis,OMNIA OPERA)

「你被放逐,被禁止踏足的不是祖國,而是某個地點。無論我走到哪裡,我都到了自己的家。沒有流放之地,只有另一個家鄉。」

由此可知,斯多葛學派為何會得到失意的政治人垂青。(我也是在失意中舉辦了一個Seneca詩歌分享,可以見此。)在黑暗年代帶領逆境中的社會運動,注定是有辱無榮,而Stoic呢個學派在歷史上代表住一種學者的風骨,日後有機會再同大家詳細介紹。

坎坷至星辰 Per Aspera Ad Astra

而另外一句,係好常見於高等教育院校嘅成語,意指透過知識可以追夢。例如就近嘅澳門大學研究生協會就係用呢句做口號㗎啦!我揀呢一句,係因為佢一方面回應左逆境自強;另一方面,太空站嘅背景故事就係開展在星空嘛!透過知識交流,我地都係開展緊偉大嘅宇宙航道啊!(熱血)

我都有被問過用拉丁文係唔係拒人於千里之外?我覺得明嘅人就明,而且就好似打暗號咁,吸引一啲熟悉歷史嘅人咪仲好。

當然,某種文人自傲就梗㗎啦,不過都係呢份傲骨支撐住信念,康德話求永恆指引佢嘅就「只有心中的道德律令,與天上的明星。」呢啲古代文人嘅作品,帶領我捱過政治挫敗嘅抑鬱,讓我們仰望星空:



所以,係呢個位我係唔會假裝貼地嘅,太空站本來就離地萬仗啦(笑)。

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…
加载中…

发布评论