atyh
atyh

不再美食王, 舊時代的遺物, Web 3.0的新世代, 還有我的一席位嗎?

老友又甩底

朋友又是前一天吃錯東西腸胃炎

本來我今日約左老友記同佢提前慶祝佢生日,琴日仲plan 好晒要帶條友去諾士佛台食老西、人一世物一世、20年老友一定要請佢食餐勁既!點知...條友仔又係係約我既前一晚食錯野,再黎一次又痾又嘔到飛起,得啦今日唔使出黎食,除左指住佢黎笑我都唔知講乜好!

本來一早同媽咪講左我今晚約左人,佢就預左唔煮飯,佢一知我cancel左今晚飯局,就話不如出去旺角high tea 同食糖水,難得媽咪咁有興致,我梗係唔會拒絕啦!

無意中給我們尋到寶
店內環境不錯呢

出到去旺角,來想同媽咪吃下日料(佢本來話想吃壽司、我話吃日料仲平仲好食)但又唔記得間鋪係邊,咁就邊行邊搵,點知比我地搵到間超低食既韓國料理,佢環境仲要唔差架!

港幣37元一個套餐,在這年頭簡直超值
加上店內裝修不錯,有點情調啊

佢有幾低食?37蚊一個下午茶包飲品,你話低唔低?由於我地2個都唔食辣、所以就只點左頭2個餐、既然個餐咁低食我地一於加錢轉埋特飲(但上得好慢、所以冇等埋佢上先影相)



我個韓風一口雞飯一下就上左,嗯,37蚊有咁既份量同水準,完全收貨啦!我媽咪個個蕃茄牛肉面仲正,大大塊蕃茄,啲牛肉仲軟林林,啱晒佢老人家😍 食完之後我都就好滿足咁離開,之後去食糖水!糖水就留返聽日寫啦,呢兩日好攰想偷懶



CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论