最近，我哋迷上咗一隻韓國時裝品牌，叫「 노앙 」（Nohant；冇錯，同法國某小鎮同名）。

話說某日，我哋睇《孝利家民泊2》，見到潤妸（允兒）有件粉紅色嘅hoodie好靚，Winnie好鐘意，於是我就幫佢google。其實韓國嘢唔難搵，如果你識韓文同識上Naver的話。好快，我就搵到呢隻叫Nohant嘅designer label。

我應該點形容Nohant呢？韓國時裝設計師Noah Nam主理嘅Nohant有「街牌」嘅味道，但比街牌有深度，因為佢有John Galliano入主之前嘅Maison Martin Margiela影子 — 品牌雖然都有大量嘅hoodie同sweater之類嘅街牌必備貨品供應，但除此之外，佢嘅衫簡約得嚟帶有好濃烈嘅「解構主義」（Deconstructivism）味道；就算佢嘅hoodie同sweater都唔例外。

相比起我嘅廿年街牌飛佛「87MM_SEOUL/Mmlg」嗰種純street fashion，Nohant可以講，有「街味」得嚟，多咗一份designer label嘅high fashion味道。最起碼，佢啲衫真係有design嘅，唔會收你幾千銀賣件燙名tee俾你。

除咗解構主義之外，Nohant標榜嘅unisex，亦都係品牌嘅其中一個特色同吸引之處。品牌嘅所有衫，無論喺hoodie之類嘅casual wear，定係大褸恤衫套裝之類嘅high fashion嘢，都係unisex design，就算佢嘅裙都係。我幾欣賞呢個concept — 作為一隻時裝精，其實我幾鍾意呢種「男女平等」。

雖然係韓國品牌，但還好美國時裝網站W Concept有carry呢條line，收費尚算公道（點都要俾人賺啲嘅）。對Nohant有興趣嘅話，可以去佢哋嘅IG @official_nohant 度，睇吓佢哋最新一季（20SS）嘅presentation。利申：我冇錢收，仲敗緊錢買佢嘅嘢。

Nohant近年之所以喺韓國大紅，除咗佢嘅設計特色之外，同著佢嘅人亦都大有關係。孔曉振（孔孝真）、潤妸、秀智、朴寶劍、宋仲基、南柱赫等等，有咁紅得咁紅。淨係呢班人著過，都夠佢大賣特賣。就算你唔追韓星韓劇，你都有可能喺C版或者網上，見過佢哋著住Lonely Lovely hoodie或者sweater。

MMM每季都會推出一款唔同色嘅Aids Tee，Nohant就每季都會有唔同色唔同款嘅Lonely Lovely hoodie或者sweater。呢個亦係兩者之間其中一個相似之處。

本週文章：

中環遊戲（41）蜜月（上）

……喺現代商業社會，去邊度蜜月，有著更深層嘅意義、更精密嘅計算。你同客人、朋友、生意拍檔、下屬等等，講你去歐洲蜜月，同講你去星馬泰蜜月，可以係兩件完全唔同嘅事。特別係喺2009年呢個經濟低迷時期，去歐洲蜜月，絕對係喺客人同生意朋友面前，顯露實力嘅好時機……

隨想（2019/KW46）夢境中嘅恐怖主義

……但隨即又諗，咁樣殺人冇用㗎喎！魔警日日都殺人啦，大家有驚過咩？更何況，土共仆街咁多，你殺得幾多個？但殺人直播就唔同喇，impact大好多！早幾年，Daesh（即係所謂嘅ISIS）以至佢嘅前身伊拉克阿蓋達，咪用呢個方法，嚇都好多人鼻哥窿都冇肉囉……

《中環遊戲》係我第一輯完全放喺Medium收費牆之外嘅小說，供讀者文友免費閱讀。作為一個全職作者，我喺寫作上面嘅收入，就只靠LikeCoin嚟支持。所以，希望各位「讚賞公民」能夠喺上面嘅LikeCoin widget拍滿五拍，等我可以維持收入。

未加入成為「讚賞公民」嘅朋友，可以喺呢度加入：https://liker.land/Civic?from=herrfung 。另外，如果你加入得夠早夠快的話，我仲會私人回返第一個月嘅月費、港幣卅八蚊俾你。只要你喺加入之後，去呢度：https://civicliker.typeform.com/to/YjFjqT 填返啲資料俾「讚賞公民基金會」幫我過數俾你就得。名額有限，先到先得，送完即止。

P.S.: 最近有文友反映，用「IF」呢個名，好難search到我嘅文章。所以，建議大家使用我嘅domain name 「@herrfung」 去search，比較容易搵到我嘅文章。