上一封《夜信》，我同大家講咗一啲Black Friday同Cyber Monday嘅開心shopping經驗；今日，我就想分享一啲後續故事。

喺零售行業Sales and Marketing人員嘅行事曆入面，一年最重要嘅「跑數」日子當中，必定走唔甩Black Friday同Cyber Monday。喺呢個前後大約十至十四日嘅黃金銷售檔期中，大家都一定各出奇謀去「爆數」，如我之前嘅文章所提及嘅「Performance-led Data Driven Marketing」之類嘅campaign，都必定開足turbo，務求喺佳節前後跑條靚數、製造momentum進入聖誕檔期。

網上零售同實體零售最大嘅唔同，就係售後logistic。一般鋪面銷售，除非係大型家電之類要送貨嘅嘢，否則vendor唔需要擔心售後logistic嘅問題，真正「貴客自理」。但網上零售就唔同，網購過後，網店就要安排售後logistic。好似Black Friday同埋緊接其後嘅Cyber Monday嘅售後logistic，就為一眾歐美國家嘅貨運行業，製造咗個為期約一星期嘅Courier Bottleneck。

喺Cyber Monday之後嘅一個星期內，強如Amazon，銷售嘅lead time，由平時嘅24小時，變咗樽頸高峰期嘅72至96小時。喺呢個星期，德國嘅幾大最常用零售Courier：DHL、DPD（法國）同Hermes嘅速遞員都疲於奔命，之前甚至出現過速遞員過勞死亡事件；可見呢個Courier Bottleneck一啲都唔講得笑。

Black Friday嘅Courier Bottleneck其實只不過係個起點，真正恐怖嘅Courier Bottleneck，係聖誕。

除此之外，由於喺黃金銷售檔期、銷售人員求數心切，好多時都係賣咗先算，inventory嘅數字往往同前線嘅銷售額有出入。爆數過後，呢啲數字上嘅出入，就會變成「超賣」（Oversell）。期指超賣大家最多就係小心到期日嘅補貨平倉盤，網購超賣好多時就會因為冇貨交要取消訂單而得失客人。

我寫呢幾段嘢嘅原因，係我喺Black Friday買嘅嘢當中，就有一單爛尾、一單疑似爛尾。我喺Zalando買嘅G-Star RAW日本denim牛仔褲就喺等咗一個星期後，收到Zalando取消訂單嘅email。我買嘅Hadoro iPhone殼亦都由五至七日嘅lead time，變咗四個星期，最後有冇貨收都係未知之數。

所以，喺呢啲日子搶到筍貨都且慢高興，真係收到貨先算。今日（星期六）又有Air Jordan 11 Black/Red開賣，你哋搶到未？（我搶到，遲啲放閃。）

通告：

經過上年聖誕新年靜到連烏蠅都冇得我拍嘅慘況之後，今年本座決定食少多覺瞓，將會暫停於平安夜（24/12 Tue）同埋大除夕（31/12 Tue）推出《中環遊戲》，其他文章仍然維持有限度供應：即係視乎當時嘅情況而定，如無意外會出，如果銷情慘淡就慳返啖氣。

本週文章：

中環遊戲（47）身如柳絮

……究竟阿都嗰句「好朋友互相信任係理所當然，但係，有時候防人之心不可無……」，係咪講緊Cindy？如果唔係Cindy，咁又會係邊個？喺我同阿都嘅common acquaintance當中，又有邊個可以稱得上係我嘅「好朋友」……

中環遊戲（48）What happens in Vegas, stays in Vegas

……問題係，其實呢啲嘢，唔需要親身去Vegas，我喺香港都整到俾佢。佢哋如果真係咁想搵個跟班陪出陪入，我可以叫Jessica或者charlotte過嚟，其實作用一樣，毋須搵到我咁貴嘅人嚟陪笑……

隨想（2019/KW50）戰場上的快樂聖誕？

……唔關有冇忘記初衷事、唔關對唔對得住逝去嘅人事、唔關會唔會丟淡抗爭事（所以咪撚亂扣我帽子）。只係希望大家喺辛苦咗半年之後，可以唞返幾日，然後重新出發；就係幾日咁多……

《中環遊戲》係我第一輯完全放喺Medium收費牆之外嘅小說，供讀者文友免費閱讀。作為一個全職作者，我喺寫作上面嘅收入，就只靠LikeCoin嚟支持。所以，希望各位「讚賞公民」能夠喺上面嘅LikeCoin widget拍滿五拍，等我可以維持收入。未加入成為「讚賞公民」嘅朋友，可以喺呢度加入：https://liker.land/Civic?from=herrfung 。

另外，如果你加入得夠早夠快的話，我仲會私人回返第一個月嘅月費、港幣卅八蚊俾你。只要你喺加入之後，去呢度：https://civicliker.typeform.com/to/YjFjqT 填返啲資料俾「讚賞公民基金會」幫我過數俾你就得。名額有限，先到先得，送完即止。

P.S.: 最近有文友反映，用「IF」呢個名，好難search到我嘅文章。所以，建議大家使用我嘅domain name 「@herrfung」 去search，比較容易搵到我嘅文章。