IF

小說、隨想、散文,廣東話寫作。Medium長篇小說 《當首爾仍是叫漢城的那些年》、《北角演義》、《初雪》、《中環遊戲》、《極夜之城》作者。 https://medium.com/@herrfung 、 https://t.me/ifpush

IF夜信( 사랑하다 밤편지 )KW41

終於追晒Fin.K.L( 핑클 )嘅最新reality show《 캠핑클럽 》(Camping Club)。呢個show應該係Fin.K.L慶祝成立廿一年嘅作品,同時亦都係李孝利繼一連兩季《 효리네 민박 》(孝利家民宿;直譯其實係「孝利的民泊」)之後,再次做綜藝節目;睇嚟佢已經上咗癮,仲搵埋班姊妹陪佢癲。

不過,呢幾段嘢唔係想講個show,係想講Fin.K.L,我唯二真正叫做「迷上」過嘅組合(另外一隊係S.E.S.)。

我細個嗰陣,屋企家教好嚴。我可以聽吓譚、張、梅嘅歌,但唔可以「沉迷」;否則又係一頓教訓。去外國讀書之後,都叫做迷過吓Wham!、Pet Shop Boys、Depeche Mode同埋New Kids on The Block(以及好marginal嘅U2),但亦都只限聽吓歌嘅層面,談唔上係fans。喺韓國嘅日子,由於Chloe仲係嗰種廿鬆啲、會迷偶像嘅女仔;受佢影響之下,我亦都開始迷上同樣係佢favourite嘅Fin.K.L同S.E.S.。

喺近十幾廿年嘅韓國,無論點樣炙手可熱嘅女團、如少女時代或者TWICE、BLACKPINK、ITZY之類,佢哋嘅成員一定會同你講,佢哋嘅學習對象係Fin.K.L。當然,呢班女仔嘅潛台詞,係希望單飛之後,可以變成李孝利、成為「亞洲天后」、「國民妖精」。

Fin.K.L一出道,風頭經已蓋過佢哋嘅「前輩」S.E.S.,亦都係現代韓國女團模式嘅始祖。佢哋嘅分工:隊長李孝利負責可愛同搞氣氛、主音玉珠鉉負責雄厚有力嘅高音唱功、李真負責形格、「 막내 」(老么、孻女、「忙內」)成宥利負責美貌同可愛。呢種分工模式,一直被韓國各大小男女團沿用到而家。

Fin.K.L喺02年,因為李孝利單飛而開始停頓;2005年佢哋推出咗最後一張專輯,但從未解散。今次趁住呢個show,佢哋推出十四年嚟首輯single。同好多Fin.K.L嘅fans一樣,睇《 캠핑클럽 》、特別係最後佢哋以露營形式舉行嘅聚會同小型音樂會,我心裏面都有一份莫名嘅感動。

喺香港,陪伴我成長嘅歌星,唔係已經離世就變成投共鳥;能夠聽返又唔作嘔者幾希。還好仲有如Fin.K.L呢啲賺夠上岸、又唔需要媚共嘅回憶,可以陪伴到老。

本週文章:

中環遊戲(31)和你飛(上)

……自從我喺美國踏入社會工作開始,我好喜歡收藏三樣嘢:交情、人情、痛腳。咁多年嚟,喺我身邊出現過嘅人,唔多唔少三樣當中,總有一兩樣落喺我手上。That’s how I made people my bitch……

中環遊戲(32)和你飛(下)

……我曾經喺唔只一個場合中,透露過我好喜歡上海呢個城市。如果上海有一樣嘢真係乞我憎的話,呢樣一定係交通 — 你老味,都成九點幾十點咁滯,浦東機場出市區都仲可以塞成咁嘅?!……

隨想(2019/KW41)休息?散水?

話說自從林鄭入實驗室㩒緊急掣之後,喺網上、esp. Fecesbook,就開始有好多「散水」嘅言論。呀,佢哋唔會咁話自己嘅,亦都唔會認自己嗌「散水」,正如黑警唔會自認係黑警一樣。佢哋係叫勇武「休息吓」、「潛藏」、「重整實力」……

發佈評論

看不過癮?

馬上加入全球最高質量華語創作社區,更多精彩文章與討論等著你。