懶人必備：旅行悅事裝備清單（下）

踏入六月，旅行的氣息漸近，大家係咪已經計劃好呢個暑假去邊玩？陽光與海灘定係去南極睇極光？無論係週末香港遊山玩水，定係兩三個月的背包遊歷，黎Ｍ呢件事似乎都係唔少朋友的憂慮吧？上集講左#帶住月經杯去旅行，唔喜歡用置入式月事用品唔緊要，今集介紹 #布Ｍ巾：

#易洗快乾布衛生巾：#清爽大步走

不論長短途，如果行程唔係晚晚住同一個酒店，想洗 #布Ｍ巾 都咪話唔頭痕，所以要選擇易洗快乾的款式：

#簡易版布衛生巾：

簡易版就係我哋工作坊會教授大家製作的款式，也有不少品牌稱之為旅行版布衛生巾，好處係攤開就好似一塊四方手巾，流量多的時候在中間加手巾仔／吸收墊就可以接載到較多經血，手巾仔的形狀攤開清洗也快乾不尷尬

#抽取式布衛生巾：

顧名思義就係布衛生巾中間既吸收墊可取出替換，如果經血未到達最底層個塊布衛生巾外套（外套多數都有吸收層在內，可單用作護墊）可以多準備幾塊吸收墊，每次只更換面層已經吸到血的，咁就每日唔洗一包二包咁放係背包，準備足夠既吸收墊就可以出門！

夜用裝的布衛生巾也有類似的抽取式，不過因為預設大家瞓覺少郁動的關係，沒有附有固定用的布帶。夜用的吸收墊都可以摺疊套到抽取式的日用布衛生巾上，所以可以交替使用架！

#肥皂和布袋：#輕裝遊歷全世界

#環保肥皂：

除非自己住酒店，如果共用浴室點可以係短時間內洗得乾淨所手布Ｍ巾呢？潔力強勁的肥皂呢個時候就大派用場喇！除衫洗身前，先沖一沖所有要洗的布Ｍ巾，再用肥皂搽均曬布Ｍ巾的底底面面，放佢地係一個唔太掂到水的地方等肥皂發揮作用。呢個時候就沖身呀洗頭洗面呀咁，洗完曬既時候再同布Ｍ巾沖水，已經可以洗得甩曬啲血，再晾曬就搞掂！如果會做埋一堆落妝洗面的朋友，可以係所有清潔步驟開始前，用個防水袋／膠袋放好已搽均肥皂既布Ｍ巾，做曬所手清潔程序先慢慢洗布Ｍ巾～

#布袋：

選擇如棉樂悅事出品的分隔布袋，可以將乾淨和用過的布Ｍ巾分開，加上有圈圈，外出去廁格就唔怕冇手拎，唔怕揦手唔成勢啦！

#月經杯 #旅行 #布m巾 #happeriod  #travelkit #travel #帶住布巾去旅行

以上用品都可以在 happeriod.com 找到