根叔|已不在穆里

Hope, to stitch my book, of ups & downs on the tightrope.| 從群居至獨處,正值中年危機的走狗。思想在跑,雙腿擱在沙發。大愛到不再愛自己。自忖跳出舒適圈,其實流連邊緣回望。被良知禁錮,沒糧資的在獻世表演。眼鏡弄丟,不再懼高。滿滿正能量隨火山噴發,轉化成不知所謂。| 最近愛在 liker.social 的時空尋找平衡。

鬖絔睩拾|緊箍咒怨

今日要講嘅,係我呢個「豁免書持有者」對呢件事嘅即時反應。太貼身,所以唔想咬文逐粒字慢慢啄,會磨走咗個嬲字。用母語先能夠百分百傳遞情感。
2022/二七零 


又嚟。我都知冇咁好死㗎啦,但冇諗過會咁癲。

呢頭放寬邊檢,係因為政府認為疫情唔再嚴重(以病毒為決定因素),斷估唔會係因為要吸引外資(以經濟為主要決定因素)而做呱。解放唔夠兩日,就唱返一下反調,打亂唔少喜獲解放嘅人民為嚟緊生活同旅遊嘅計畫。今日要講嘅,係我呢個「豁免書持有者」對呢件事嘅即時反應。太貼身,所以唔想咬文逐粒字慢慢啄,而且用母語先能夠百分百傳遞情感

唔討論咁做係咪變相強制打針,反正以理性邏輯討論得出咩結果都唔會影響到賽程或賽果。剛剛高興搶到機票就快要去旅行的話,點樣打得切針出入境?

受影響市民可以向邊個追討因為對「假文書」唔知情嘅相關嘅診金同埋因短期計畫延誤而造成嘅損失?

▋我把烏鴉嘴準過天氣報告

不過唔值得表揚,最好就收返我呢種無用嘅超能力,我寧願食多碗超力,唔該。No no no,唔係呢種預知能力無用,只係我不學無術,發揮唔到佢應有嘅小宇宙作用。我亦唔明點解每次都總有人會叫我𦧲口水再講過。我啲口水唔會夠把烏鴉嘴砌。今次兼夾燒埋自己嗰疊𠻹你話死唔死!嗱咩0+3吖,未能成功吸引到外資嚟參加一堆 trade show 同 conference,就已經封多一度門。緊箍咒都冇咁彈出彈入,直情係緊箍咒怨啦唔係咩呀。

▋好懷疑「0+3」暗藏玄機。打橫嚟睇,係三個英文字,OTW。

‣ Over The Weekend - 係吖,幾日之嘛,又有新花臣。
‣ OTherWise,就係 Off The Wall - 思路同大部分普通人有返咁上下唔一樣,唔獨立但夠特行,先可以揸到枝雞毛嚟揈。
‣ 咁都有人會認為係 Out of This World,處理得好 awesome。我當然尊重唔同聲音,但係我聯想唔出 awesome,肚屙完又滲尿嘅「屙滲」我就見到,又聞到。

▋每一張發過嘅豁免書都肯肯定係偽造/不付實?

未有查証結果、未了解晒所有 diagnosis,就急不及待片面公布責任全在醫生一方。如果唔係醫管局畀出呢個結果,咁係邊個部門有足夠嘅醫學知識去判斷?再者,crosscheck 嘅、發放權力畀醫生嘅人員又有冇缺失?系統本身係咪有漏洞而導致被「濫用」?

再諗下,真正需要豁免嘅市民數字唔會變,不過敢/肯發豁免書嘅醫生愈嚟愈少,所以先會有一個醫生需要開咁多張嘅情況,簡單小學除法。政府叫我再搵醫生睇,咁麻煩畀啲最新嘅資料嚟好喎,咪齋吹。

有人因豁免唔到而被逼打疫苗,令自身本來已有嘅病情惡化的話,邊個負責

既然認為疫情差唔多過,咁為乜要逼晒所有對疫苗有疑慮嘅市民去打?前後邏輯對唔上喎,一時吶喊無事啦 welcome to Hong Kong,擰轉背就去塞返實自己曾經為民設想而打開嘅豁免窿。行徑如 Uber、food cart、新田購物城、五十年不變同出一轍⋯⋯先咪理,引入咗搞咗先算,一鑊又一鑊杰出貢獻。

無論豁免書係咪虛假,都唔會影響持有者過去中招嘅機會。

病毒未識字,要確診都中咗啦。咁耐都冇中嘅,突然因為豁免係假嘅就會中?同白衣城管嘅邏輯思維的確難分高下。

▋呀係,我嘅即時感覺⋯⋯

差啲唔記得講。雖然其實都過咗半日,即時感覺都自我打磨過⋯⋯我好很覺得係畀人摷起我條走肉行屍出嚟鞭咁款。除咗閃電鞭,原來咁樣整瓜人再鞭下屍都可以自嗨一番?真久仰。


Day 270 of Gunshock in 2022


Like my work??
Don't forget to support or like, so I know you are with me..

CC BY-NC-ND 2.0
1

Want to read more ?

Login with one click and join the most diverse creator community.