根叔|已不在穆里

Hope, to stitch my book, of ups & downs on the tightrope.| 從群居至獨處,正值中年危機的走狗。思想在跑,雙腿擱在沙發。大愛到不再愛自己。自忖跳出舒適圈,其實流連邊緣回望。被良知禁錮,沒糧資的在獻世表演。眼鏡弄丟,不再懼高。滿滿正能量隨火山噴發,轉化成不知所謂。| 最近愛在 liker.social 的時空尋找平衡。

關於伊麵

小時候,伊麵有如打大佬。今天只是伊思執。

家陣一食伊麵就即刻可以講肺話胃論。

是咁的。

細個果陣一食伊麵就會想嘔,中學時期更加嚴重,未煮嘅麵餅或者煎炆焗燴咗嘅,我都會即刻會嘔。唔係劏嘅量,但係就快到光速咁湧上嚟填滿半個口腔。

有兩年住係學校附近,十分鐘步程。因為途中有兩間舊麵鋪,吊晒一疊疊伊麵喺門口,我就要兜路行多五分鐘。唔係講笑,回南天果陣果啲味重勁,對面街都聞得到。

God bless 後來有十年冇見過伊麵,有一次同同事晏咗出去食 lunch,午餐得返兩款,干燒伊麵同蒸魚雲,即係要揀是但一隻大佬打(叫 a la carte 就一定會遲到)!

伊麵啦,咁。

我心諗捻住個鼻盡量唔望住碟嘢再唔噍爛就吞會好啲呱。碟嘢出住煙咁嚟,又竟然無作嘔,最後重照埋佢鏡,伊思執。

口味嘅嘢真係唔知係變得快吖定係點,重愛上咗。

再然後,有一段時間無聊得濟,硬係要尋找他鄉的故事,要揾到小時候作嘔嘅原因。

欲知後事如何,且看下回回味分解。

Like my work??
Don't forget to support or like, so I know you are with me..

CC BY-NC-ND 2.0

Want to read more ?

Login with one click and join the most diverse creator community.