根叔|已不在穆里

Hope, to stitch my book, of ups & downs on the tightrope.| 從群居至獨處,正值中年危機的走狗。思想在跑,雙腿擱在沙發。大愛到不再愛自己。自忖跳出舒適圈,其實流連邊緣回望。被良知禁錮,沒糧資的在獻世表演。眼鏡弄丟,不再懼高。滿滿正能量隨火山噴發,轉化成不知所謂。| 最近愛在 liker.social 的時空尋找平衡。

學淺才疏 ,通常廢話不多

發布於
政府與專家是否都不能反應市民不懂反映的不良反應?

https://ezone.ulifestyle.com.hk/article/2912771/【新冠疫苗】許樹昌:接種疫苗後曾現呼吸困難等不良反應 不應注射第二劑疫苗

許教授喺22號講,

一般市民接種第二劑疫苗後會有較大嘅反應。個別人士就可能有更大嘅不良反應。

又話之前抽搐暈咗嗰位係因為佢個心又驚呀佢個心又喜,係因為嗰對迷走神經嘅反應,咁責任就不在疫苗身上喎。

咁快就揾到個主因?咁嗱我通常遇到唔識嘅嘢,都只係會抱觀望態度。

事不關己,己不勞心。

呢一次我就抱多咗個質疑態度,自定放長雙眼睇定啲,同埋盡力令我關心嘅人都唔好跟住羊群去做白老鼠先。咪陣間相對可能或者又一定咁嘅機會唔衰攞嚟衰。

事但易死,死不打針。

直到有一日自我感覺不再良好先考慮去打,屆時希望疫苗更加成熟。學阿則會長話齋,憑自己感覺去決定吖嘛。信政府之餘,都要信埋自己。

https://medium.com/出仕時出事的柒事/憑感覺才是高度有翠的王道-fa79a43384b2


下圖專貴嘅阿太為咗全港市民嘅健康勞心勞力,重索性做埋呢個直入(你身體)式廣告嘅主角。親身上陣畀大家睇下 before and after。睇落都真係幾硬推,乜唔係通常用喺比賽/戰爭當中得到勝利(victory)先至會用 V 字手勢嚟留倩影/宣告天下咩?阿太做得呢個位,禮儀舉止一定上過唔少堂。所以擺呢個雖然市井但由外國傳入嘅 gesture,意義同埋想表達嘅訊息值得深究。

我有大近視,喺電視機前面睇到嘅佢,日常對答已經似係不能反應,所以唔覺佢打完第二劑有咩不良反應。

嗯,我淨係見到佢條罅好寬闊,I mean 手指罅。以前都已經係咁闊?我唔相信佢係夾硬拉闊,事關佢夾硬或被夾硬要開拉闊記者會時候啲講話,十句有十句都只係無限輪迴讀稿。舉起嘅又似係食指同無名指,唔見中指。唔通拗出唔拗入拗咗去手背所以冇咗宗旨?

講返轉頭,許教授你開嚟講下點樣釐定「個別」、「較大」呢堆迷樣官詞好喎,否則我真係恭呀自動升級成為廢話要員。每個人都有呢 pair 迷走神經喎,咁咪全人類都有機會都係集體「個別人士」?要是鳩歸究(GGG,粵音 gau1 gwai1 gau3)原因嘢嘢都話係該對神經的話,咁 pair 嘢真係會忙過小鳳姐。

喜歡我的文章嗎?
別忘了給點支持與讚賞,讓我知道創作的路上有你陪伴。

CC BY-NC-ND 2.0 版權聲明

看不過癮?

一鍵登入,即可加入全球最優質中文創作社區