國安法來臨，我哋需要黃黑作為革命符號

國安法就嚟到，時代革命將會進入新一階段，7.1 需要象徵意義上嘅突破，我哋需要黃黑作為革命符號。

黃絲、黃雨傘、黃頭盔、黃店，黃色就係代表香港人嘅顏色。

Blackbloc、黑衫、黑紫荊、黑旗，黑色就係時代革命嘅象徵。

黃黑旗 - 光復革命旗

黃色代表光復（即將到來嘅黎明），黑色代表革命（黎明之前嘅黑夜）。黃色在上，黑色在下，代表黎明來到要光復這香港。我哋依家需要革命符號，唔需要不斷爭論黃黑旗會否成為香港國旗，因為歷史自有定奪。

黃頭盔、黑衫

係最經典嘅香港抗爭者形象，見到黃黑就如同見到手足。

自雨傘革命，香港人已經用黃黑作為革命符號，黃黑亦代表住革命之火生生不息，抗爭到底。

點解要用顏色？

國安法即將降臨，好多主張將會成為禁語。我哋需要利用顏色作為象徵，承傳抗爭意志。

黃黑代表抗爭

黃黑作為一種鮮明嘅顏色，能夠展現抗爭嘅團結。顏色能夠超越語言障礙，將抗爭訊息傳遍世界各地。

用黃色Memo紙、黑色Marker，即可簡單製作黃黑符號，將連儂牆嘅精神同革命符號結合，令思想遍地開花。

但願我哋以黃黑為記，一息尚存，抗爭到底。

光復香港 時代革命

民族自強 香港獨立

黃黑為記 抗爭到底

7.1 維園見