每周短評-14/10/2021

2021 年 10 月 14 日

SFP、Autoshark、BRKL、Binance free airdrops

A. SafePal (SFP) 短評

跟據14/10/2021 cryptorank 數據，SFP 於24小時內上升175.1%而7日內上升166%。下文主要喺睇返圖表上，SFP 會唔會有一個好嘅進場位置幫到作交易者進場，另外亦可以觀察其價格行為走勢。另外，亦會睇返究竟有無新聞作為催化劑令SFP 有咁強勁升幅。

A1. 圖表形態

價格行為觀念以及圖表畫法會以四小時、一小時及十五分鐘圖為基礎。當然每位交易者分析方法都各有不同，所以以下文章只喺我用一個做功課、做復習方面去睇返整個價格行為會唔會有部分提示。

日線圖

可以觀察到價格於9/2/2021 爆升4370% 後，然後整個價格行一個長達接近90-100日嘅區間。如果以區間交易為例，由於價格行為係極度隨機性，你唯一可以做只可以取態喺頂底交易(Short sell at the upper range and buy at the lower range)。最後，整個價格於19/5/2021正式跌破，當中跌幅達57.25%，隨後經歷14-15周調整期。如果以整個杯柄結構作為整體分析，整個杯柄結構長達18周，修正大約為80%。28/8/2021 杯柄結構的handle point (柄位) 開始進行大約16%修正。如果你睇返How to make money in stock market，作者其中一個重點喺杯柄中柄嘅修正最佳為8-12%。但由於加密貨幣市場波動性、每隻coins 波幅不一，所以呢類數字唔好死記硬背。由於handle point 已經到咗整個杯柄位置一半位置，隨後可以考慮，但最後突破失敗。(正常呢個位置你係一定唔會買到，因為突破你會用buy stop limit order，需要突破$1.7726 你先會買入)

跌破Pivot point 後，迎來高達48% 跌幅，然後經歷大約5周調整，最後於13/10/2021 有成交、有大陽燭之下爆升。

四小時圖

轉勢方法小弟主要用兩種: 1-2-3 或者 2B。如果你睇返四小時圖，你會發現張圖每個解釋都可以係1-2-3 或者 2B，所以名就多餘，最重要係你有一個好嘅Risk-to-reward ratio 去做每個交易。做呢類1-2-3 或者 2B我比較少做，因為本身做左側你風險比較高，你只可以用更好嘅Risk-to-reward ratio。

如果一個比較合理嘅進場位置應該係13/10/21 12:00 (UTC+8)，帶有動能突破兩條重要EMA時入場，而果支陽燭燭身大於wicks/tails，所以可以顯示出買方力量強過賣方力量好多。如果再淆D，可以set 個buy stop limit order 係四小時主要阻力位置，突破後買入。但呢個方法，距離一個合理止蝕位過完，我就寧願等佢S/R flip 先再會考慮。

十五分鐘圖

多數時間突破完有五個結果。第一，一支火箭直上天國。第二，一支火箭直落地獄。第三，有五成機會拉回返去pivot point 或者之前阻力位置(S/R flip)。第四，升到下個阻力位直插向下。第五，升到阻力位休息下再向上。下圖為十五分鐘圖，可以喺之前阻力位磨磨下、帶動能突破阻力後買入，止蝕位亦易設定。