陳海雅

演員、作者、攝影師、插畫師︰寫詩、遊記、散文和寫自己的病。畫畫,寫文和攝影都是治療躁鬱症的方法。個人網站 ettachan.com 工作聯絡:hoingar@gmail.com

買多件不同的梘吧

愛自己的地方,你可能去勇武,但我這怕死的和理非環保膠(只是入門級),有時浪費少點就是愛自己的地方(和愛地球呀)!

幾年前已經開始用梘,本來是因為爸爸皮膚痕癢所以買來用,起初五十幾蚊一件手工梘都覺有點貴,但好好用,所以無計啦爸爸用。但我就用普通的,幾元有交易都可以。但有時會見到好一點的也買來用,其實普遍二十多元一件的olive oil梘已經好好用,後來發現更多,有山羊奶加檸檬草味,月桂味呀。跟着買不同梘來沖涼成為樂趣。

去邊買?除了手作市集賣的手工梘外,我會去啲「死場」的商場買,例如尖沙咀首都商場,你唔好以為佢度十室九空無好嘢賣,有小店有好多不同功效的梘賣,因為租平所以也賣得平,生意難做,你買到好嘢,人哋又有生意做。另外小雄批發都有好多梘賣,有手工的月桂橄欖油賣都係廿幾蚊。

另外,我去完厠所用的是滴露消毒梘,不用洗手液。一支小小的洗手液一陣就用完,個泵回收不到,有時膠樽也回收不了,好多時其實是我好好心機洗乾淨放回收箱,然後阿叔話其實都係暫時放垃圾站,未必有回收商來收,黃錦星正仆街,收咁多人工,少少嘢都做唔到。

最近我係綠盈坊看到上面相中的印度出的香草精油梘,可以洗頭髮(其實可能所有手工梘都可以洗頭),但我白痴要人哋講到明我先用。這梘廿幾蚊,仲做緊買一送一,我用來洗頭髮,好好用。開始時擔心無泡,但原來起了很多泡,我想因為是洗頭髮,髮絲的效果就如用了起泡袋。咁又不用洗頭水了,之後連洗面都另外買件好一點的洗,這樣又用少點膠包裝了。

其實梘的選擇很多,大家可以去看看,減少用膠包裝,尤其泵是不能回收的,大家都支持一下啦。

自家冷製天然手工皂,一次就上手 (上)

环保其实很简单 | using soap?

發佈評論

看不過癮?

馬上加入全球最高質量華語創作社區,更多精彩文章與討論等著你。