【生髮中心邊間好?】髮神F8生髮 vs 髮再生，2萬8 vs 2千8！究竟兩間啲療程包D咩？

生髮中心邊間好？講開生髮中心邊間好，髮再生同埋F8生髮肯定榜上有名，我諗呢兩間生髮中心只要有脫髮問題嘅男女都一定識（或者仲試過添），而我每次上網發post問生髮中心邊間好同有咩生髮中心推薦，都一定會被人當我係脫髮中年男，所以我呢度利申咗先—我係由生完仔開始脫髮加劇嘅媽媽一名！唔該你哋唔好再叫我直接鏟平頭同剃光頭啦LOL

老老實實啦因為我都唔係試咗好多間生髮中心，只係試生髮再生（因為佢廣告真係打得好勁，日日返工夜工都係哋鐵見到），之後連錢都唔要，就轉場去咗髮神即係Perfect Hair，不過我覺得我講F8生髮會更多人識LOL

為免大家覺得我呢個阿媽口水多多，我整咗個表儘量比較一下：

生髮中心邊間好？我講咗髮再生先，因為我第一間都係試佢。

我諗佢都係香港最出名嘅生髮中心？（賣廣告賣到洗曬版）個陣我病急亂投醫，所以淨係大概知道價錢同做幾耐嘅情況之下就去咗......絲打、巴打，實在唔係我唔做功課，唔好噴我，係網上有功課比我做先得㗎！唔知點解除咗髮神之外（不過佢哋都無完全講實，等陣我會講有咩隱藏收費），間間生髮中心都咁神秘，全部都話天然、中藥、草本止脫生髮活髮，有時真係懷疑入面係咪5個人圍住你灑聖水喺個頭度作法......

我的髮再生親測真人經歷

作為曾經比咗兩萬幾買咗30次生髮療程+洗頭水+滴頭皮精華+10次深層清潔嘅求髮者，我覺得我都幾有say，而家好多少女中女都有脫髮問題，而我呢就係本身遺傳頭髮好薄、分界線好禿，生完仔之後更加慘不忍目......把心一橫想解決脫髮問題。咁諗住搵間出名啲嘅生髮中心做咗免費頭皮檢測先啦，Join唔Join療程再睇（我諗好多人都有呢個諗法），咁其實去到做頭皮檢測都無咩嘢，就係佢講到我頭皮下秒就會爆炸咁，其實我只不過有2粒頭瘡同脫髮下話？佢話我係產後脫髮+脂溢性脫髮，兩樣加埋呢非常惡搞，因為關荷爾蒙事，所以淨係買10次8次肯定搞唔掂，無嘢睇㗎......我本身係打算買療程嘅，但一聽到一口氣要買30次我都打咗個突！我無心理準備要比二萬幾出嚟喎，我預咗萬幾咋喎......

深層清潔只包10次，其他另購唔該！

生髮中心邊間好？邊間平過邊間？好多人話點解我咁傻花咗兩萬幾呀，我邊邊邊個親戚呢花咗七千幾就有xx次療程仲有返薄薄一層頭髮添......我想話，上到去生髮中心個個氛圍真係好難唔買，而我係個啲唔識講嘢、有尷尬症嘅人。你都唔知髮再生啲人講嘢都幾強硬，佢問我如果我無諗住改善脫髮問題點解要上嚟？咁我的確係做咗佢哋個免費頭皮檢測......個頭皮檢測測到我啲髮根毛囊有好多油脂堵塞、每個毛囊得1、2條頭髮仲有頭瘡，佢哋話有細菌感染呀，唔即刻深層清潔唔得，總之講到我好似由頭頂開始變zombie咁......咁我個時諗其實應該間間生髮中心療程包嘅嘢都差唔多，咁佢呢間又好多明星代言......於是我都買咗，而且絲打巴打們注意注意注意！深層清潔淨係包10次，但成個療程呢就30次，係呀，之後深層清潔plan係要另買㗎，同埋佢要你買洗頭水同滴頭皮精華，個度都成千蚊......於是就開始咗我嘅惡夢啦！

「髮再生」愈做，我頭髮甩得愈多......

雖然無一間生髮中心會開宗明義講明究竟同你做咩，但髮再生係真係好多名目，我覺得亦都可能因為實在搞太多嘢、扯嚟扯去，或者啲中藥液呀生髮液呀堵塞咗毛孔所以我頭髮愈甩就甩多，唔好再問我有無生髮效果啦！我唔比佢哋搞到禿頭都謝天謝地，總之做髮再生呢幾個月，我差唔多日日都唔開心，又驚上去做完之後會甩更多頭髮，比佢哋搞到就抑鬱咁滯、而且覺得比人呃錢成個人都好躁，係咁怪自己蠢，總之心情上好難受好難受，仲要強顏歡笑湊細路，好多時都好想入廁所喊......

如果唔知髮再生療程係做咩，其實每次上去就係頭皮檢測、焗頭（納米健髮儀)、微電流髮叉、噴中藥、照燈（唔係軟激光係咩電波儀）。佢哋話我係脂溢性脫髮，所以每次去做之前都會深層清潔個頭先......好多人問其實點解我會繼續做？其實係每次做完之後頭皮檢查又真係見到好似洗走咗油脂，啲髮根呀毛囊呀乾淨咗好多咁(之後有人同我講其實普通洗頭都有咁嘅效果喎)......我問點解會甩頭髮愈嚟愈多，佢哋話係頭皮排緊毒喎......

最後真係頂唔順，錢都唔要就轉咗場！

生髮中心邊間好我就唔知，邊間唔岩我做就知......畢竟每個人頭皮同脫髮原因都唔一樣，我唔work，可能你work！Anyway，我最嬲嘅係明明個咩中藥天然草本生髮療程對我無用，點解每次上去都要講大話話wow頭髮真係生返出嚟呀、跟住淨係識叫我再買深層清潔療程呢？我比咁多錢係上嚟解決問題唔係幫你哋交租......老公都話我甩髮愈嚟愈多，最後我太嬲又驚甩得仲甘所以放棄無去......之後我就對咩天然、草本、中醫生髮所有嘢都好抗拒，我覺得太溫和對我根本唔work…...反其道而行，第二次我就揀咗間全科學嘅，就係髮神個F8生髮，佢哋係用醫療級軟激光。

我唔信中草醫生髮 ，專揀間科學生髮嘅！

髮神F8生髮其實都唔係做咗好多次，大概4次，但真係有嘢睇到....我心情有少少激動所以就打咗篇長文發帖，一嚟想告誡大家搵生髮中心小心比人呃、二嚟就係覺得搵到岩自己嘅生髮療程啦，比產後脫髮嘅姊妹參考下。F8生髮療程睇落去平到可疑，但其實上去你就知，除咗軟激光部生髮機，其他嘢都唔包，所以其實個價錢又好合理嘅，個勁抵價錢都係引人上去，上咗去之後唔係Hea你個啲，總之價錢正常啦唔係騎呢古怪嘢，同埋都明碼實價嘅。咁F8生髮係做咩？深層清潔、導入淨化精華同照軟激光，仲可以加埋注氧同照燈嘅。至於洗頭水同生髮水、頭皮精華個啲就無叫我買，我都唔知佢哋有無賣㗎......做咗4次，頭髮明顯甩少咗、同埋分界線中間見到有新嘅小絨毛生出嚟，我已經好滿足啦。

髮神F8生髮都有「隱藏收費」......

本身我以為2888呢個價錢係全包，結果證實我真係太年輕太天真......上到去先知原來淨化精華同深層清潔係要另買㗎！個下其實都有少少......又嚟？不過佢計埋深層清潔同淨化精華個價錢其實都唔貴，總之比髮再生真係平得多多聲，所以我都買咗10次療程試試先，一嚟其實當嚟深層清潔比人洗頭都抵、二嚟就係唔洗一口氣買N多次，我個心都定好多。

之後我同有個有做開生髮療程嘅親戚傾返邊間生髮中心好，佢話其實間間生髮中心嘅深層清潔同精華都係另買㗎啦，好少唔係另買㗎喎......其實邊可能有宣傳價錢咁平，人工都賺唔返啦？我細心一諗都係呢個道理，都係宣傳策略嚟㗎者，咁樣諗個心就無咁介意囉，因為我見過鬼真係怕黑，唔想再比人呃錢呃心機！

講咗咁多生髮中心好唔好，同推薦邊間之後，不如等我講下近況啦，有圖有真相，而家髮界線有小小絨毛生返出嚟，我諗過多大概2星期就會有淺淺一層頭髮，而家我連洗頭都唔敢太大力(我油頭又唔可以超過3日唔洗)，我深切明白一個道理：生髮唔可以靠天然山草藥、無醫學報證據全程靠估！軟激光係好多國家都用緊嚟生髮㗎，泰國仲計劃緊將佢正名成為官方認證嘅有效生髮方案添......又或者我個頭唔受中藥、淨係受科學啦！其他人如果用中藥療程生髮有效，都歡迎分享呀！

我篇髮再生 vs 髮神F8生髮嘅Report就到呢度，有咩問題PM我啦，知無不言呀！幫到脫髮友就最好！

有興趣試F8生髮既朋友仔，我擺咗條Link喺度，你哋自己去研究下：

髮神Perfect Hair F8生髮療程