DC黑亞當 Black Adam

黑亞當🆒從5千年嘅沉睡喚醒之後，見到眼前家鄉事過境遷唔同曬樣面露失落反而我最鍾意。雖然佢嗰樣好火爆咁，但係從佢講嘅對白見到佢內心嘅空虛。 

💪Teth-Adam 英文讀起上來似 Death-Adam 死亡亞當，學女主角阿仔 阿蒙 話齋「英雄要整番嗰型仔名先得」！啱叫醒嘅Adam有啲似冷血嘅Terminator唔知有無參考，靠嗰後生仔去教個人是與非嗰時有頗多笑位，全場都笑嗰種。撇除道德，偵探漫畫DC宇宙嘅氪星超人Kent，同亞當力量旗鼓相當，一個代表英雄正義，今次呢個就反統治壓迫嘅被逼激發嘅無辜力量。Adam其實祇係一個平凡人本來。

🤔少睇DC嘅戲人，可能見到正義聯盟咁多角色出場唔太知邊個打邊個。我嘅理解就有翼嘅大佬Hawkman 就似對家嘅 Falcon; 咁盟友Doctor Fate就有啲似Doctor Strange控制次元嘅能力；Atom Smasher 就似蜂俠咁放大縮細自己身體; Cyclone 就似 X-Men 嘅 Storm 禦風能力。雖然大家都係嗌「沙贊」，但黑亞當嘅力量係埃及嘅神比嘅，字頭都分表代表六個嗰度嘅神明名，但沙贊成家就希臘神比嘅。 🛩️正義聯盟架飛機好型，作為Sci-Fi Fans，我最鍾意佢嗰種高科技投影，作戰前顯示敵方陣地嘅3D地圖。為咗降低黑亞當嘅破壞力，不過一次介紹咁多新人配角嚟勸交，係戲入面對劇情無咩推進，純粹用佢地慢動作畫面嚟「幫」主角打架。 

⚠️ 
劇 Spolier
透 Alert
線 Off-Zone 

🍄故事設定嘅城市 Kahndaq 擺咗一個黑亞當守護者雕塑，隨着故仔嘅展開，原來亞當唔係當年嘅英雄，而係佢嘅仔。但因為為咗救自己而將力量比自己嘅仔，變翻普通人後被箭暗殺而大怒去皇殿去弑君。 
🩸真正嘅惡人 Sabbac 當年亞當嘅暴君嘅皇N代嘅背景就略為少咗啲。但係將佢硬生拉成一半血淋淋畫面好正，適合情侣一齊睇！仲有從地獄召喚出嚟嘅喪屍，好夾萬聖節好血好暴力，正！導演Jaume Collet-Seera，執導過 《恐怖蠟像館》(House of Wax)同《孤兒怨》(Orphan)等多套知名嘅嚇親人嘅電影，怪唔之得！
開頭嘅旁白有啲感情欠缺，嗰女主角嘅仔叫班市民一齊反抗都有啲弱。