ap

hihi

黃秋生之火

#黃秋生之火


1

梁啟超康有為見過光緒帝,所以變咗保皇黨;Edmund Burke 見過瑪麗安東尼,所見反對法國大革命。。。同樣道理,黃洋達見過梁振英,所以。。。


2

而這裡,我們發現,原來馮翁見過黃秋生 ——— 或許馮翁自己都不知道,他把黃秋生這單醜聞寫成這樣,其實恐怕都係純粹因為佢見過黃秋生而已


3

黃秋生這單發火案,竟然在馮翁筆下變成了“妙答記者問”,也真是令人有點失笑。在這單case,我寧願睇下後覺炒車後的連登仔好過睇馮翁的妙筆超譯


4

黃秋生這單無厘頭發火案件,其實係相當核突的,這有點像移民英國的港燦賣金銀衣紙企圖延續香港華夏正統文化,又或者去飲茶洗筷子俾當地阿姐鬧。。。


5

黃秋生在香港係establish咗一個既定的形象,至於什麼形象,同杜汶澤那一款一樣,都係好難形容,類似係一個敢言的很有主見的,同時又有點思想兼有點爛佬,硬漢得來又有點滑頭。。。


6

所以,看黃秋生這場爆seed戲,一定要從既定角色的定型去觀摩,基本上,我會說,黃秋生在這裡,是演成了一個角色的奴隸


7

黃秋生點解會扯火?其實好簡單,因為這條問題,黄秋生其實是一肚子的話要說,但他又要好整以暇,”還有什麼好說呢?“,本來如果係香港人,係會read到其實佢磨一陣就會入正題,但文化差異之下,單純的台灣人於是“數度打斷了黃秋生的發言”


8

至於我,就更加唔駛講,因為我一早睇過黃秋生同杜汶澤的對談,在他未答之前,我已經知道他會大約講返同樣的說話


9

所以,當我睇到馮翁竟然將成件事講到話,係黃秋生面對一條好危險古惑的問題然後電光火石間以急才作答,我真係覺得係搞笑的!!


10

大佬啊!我當你唔知黃秋生同杜汶澤傾過香港變局,當你唔知佢一向留意時局,單單睇段片,都唔會覺得黃秋生那種一意孤行要把肚裡的話一吐為快係冷不及防被問到香港時局才突然想到的答案囉?!

喜歡我的文章嗎?
別忘了給點支持與讚賞,讓我知道創作的路上有你陪伴。

CC BY-NC-ND 2.0 版權聲明

看不過癮?

一鍵登入,即可加入全球最優質中文創作社區