堅持

大家有無試過堅持做一件事,不論有幾多次失敗
堅持一個觀點或立場,不論旁人話語
堅持一個理念, 不論周圍環境如何變化

堅持亦都帶出自身之目標及想法, 認定了就努力走, 而吸引力法則包括這個意思,當中亦有更深一層意思,專注同相信. 特別這兩年疫情影響, 有很多人生活不受太大影響, 亦有很多人連生活最基本都無法解決, 何來堅持可言? 情緒亦被受影響而無法相信很多事情, 目標看似已很模糊, 甚至消失, 不是簡單地呻一呻, 啤一啤就可以跨過的坎. 因為這些坎很多時候只有自己才可以幫到自己, 就好似同一件事發生於不同人身上, 有些人不當一回事, 有些人就覺得天要塌下來, 取決於自身心態

當然人活於社會中, 很難做到 "不為所動" ,人生活於這個世界上, 就需要磨合,不要以為談戀愛才要.想一想自己所生活之環境, 周圍的人, 大自然, 動物等等, 都需要磨合,如本來為有車之人, 但現在要轉坐公交, 於是要時間去找對的巴士路線, 在那一個站下車, 再慢慢延伸, 原來不只這一路巴士可以到目的地, 原來還有其他, 這些都要時間去磨合後才逐漸適應, 而這個過程不一定如意, 當不如意時, 自己意志及心志如何自處, 是需要一定的堅持

但怎樣繼續堅持, 也是取決於自身心態, 外在東西, 好明顯就不聽命於你, 但你可以用你認為合適, 喜歡的做法去處理及應對. 回想下自己曾經好努力做過的一件事,堅持的一個想法, 當時自己的心態是如何?為何可以堅持到?不一定要成功或圓滿結局, 只要是你曾經持過就可以~找回一下當時感受, 記住這個感受, 下次有不如意時, 試著找回那感受, 因為你是曾經多麼的堅持及努力

圖中的公仔, 好多謝整這個公仔給我的TA, 當時TA 感受是

"一直都好想整一隻公仔，見到人地整又好似好得意咁，但自己整次次都失敗，整到一半就放棄，今次總算堅持到最後，雖然有好多瑕疵，有啲地方係亂來，我覺得最難就係將個頭同身連埋一齊，我拆左再織幾次先可以整到，突然覺得，只要真係好想，唔怕試多幾次，雖然可能係千瘡百孔，但最後都可以圓滿，至少我自己欣賞。"

雖然最後我和TA 不是一個很好的結局, 但只要自己欣賞同喜歡, 就不用怕失敗同嘗試, 唔跌過點會知問題在那?如果不是, 算命師, 塔羅牌師怎樣搵錢..HAHA

***不過真係好想打TA 一次, 狠狠地鬧TA 一次, 但後來反而想講聲多謝, 因為TA, 令我自己同自己內心的小朋友開始磨合中, 希望TA 亦可以, 當時身邊有多少人說TA不好的事, 在我心態都覺得TA 已很好,堅持是一種心態, 亦是一種信念, 共勉之