<做人唔好ff太多之當我們學會愛之後>

Cha70

「有D肚餓，不如睇下廚房有乜嘢煮泥食。」妳同ak一切慣咗喺屋企煮嘢食。

「使乜煮咁辛苦架，不如出街食啦！」皮皮覺得出街食仲快過煮，煮完又要洗。

「我去換件衫同妳落街食啦！妳去洗個面。」

「好啦！」

你地似乎都係仲未習慣做情侶做嘅事，兩個落到街都係平時咁樣行。

「食咩呀？」妳好疑惑企係皮皮隔離。

「前面有間茶餐廳呀，就前面啦，近近哋，好冇呀？」

「好呀！好肚餓！」

你'地入去坐低咗，嗌咗兩個早餐，雖然食呢個早餐，兩個都冇乜講嘢，但係覺得好舒服，唔知點解妳'.覺得同佢有一種一齊咗好耐嘅感覺。

食完早餐，你兩個漫冇目的咁行，經歷過咁多嘢，妳開始了解妳要嘅並唔係一個只會行係妳前面嘅男人，以前十幾歲天真諗法，一定要一個大男人好man嘅男仔做男朋友，而妳可以心甘情願跟係佢後面做小女人比佢保護妳，但係人大咗你先發覺妳需要嘅係一個適當時候識得企喺你左邊右邊或者後面嘅男人，或者妳真係试得太多呢啲要妳跟喺佢後面嘅男人，妳攰了，因為太了解，所以才不選擇，所以情願要平凡。妳諗吓，一個男人永遠企喺你前面而妳要一直跟住佢嘅步伐係幾咁攰，佢永遠都唔會回頭望下你佢只會自己一直向前衝，妳有事嗰陣，拎轉頭，佢唔會係到。

「啤啤，睇住前面呀，因住仆街！」皮皮係後面笑嗌妳。

「玩嘢呀？前面都冇野。」

「玩吓啫，啤啤，前面真係好多石頭喺度驚你仆街咋。」皮皮係妳隔離並肩行。

皮皮是但搵啲嘢講，佢唔知可以講乜好。

兩個都係咁樣靜靜地行，都行咗差唔多十分鐘兩個都係冇講嘢，妳喺度諗緊，我主動拖佢？定係等佢拖我好？人地女仔泥架喎！皮皮喺度諗緊我應該幾時拖妳好？死啦，會唔會fing開我？但呢啲嘢又應該係男人做，行到一條斑馬線，交通燈開始轉，皮皮係妳隔離。

「轉紅燈啦！」皮皮拖住咗妳行。

過到對面馬路。

「你好娘呀！陳瑞輝！」但係妳又buy囉，笑得好甜。

「咩呀？轉紅灯，再唔過一陣畀車車死架！」皮皮拖住妳隻手係到fing；繼續行。

「咁你自己行過對面先味得囉！又要拖人地。」妳笑得好甜。

「點會賴低你一個喺對面馬路呀，啤啤！」