<做人唔好ff太多之當我們學會愛之後>

Cha69

「妳真係咁認為？」皮皮入咗mirror之後愈來愈冇自信。

「真架！以前到而家，我一直都覺得，你跳舞好charm，我好中意睇你跳舞，係你死蠢，將我讓比人，唔中意你又點會成日去睇你跳舞？」

「對唔住呀!啤啤!」皮皮依句對唔住包含左好多野。

皮皮係一個唔係好識講嘢嘅人，但係好多時佢唔講唔代表佢唔知，只係佢選擇唔講，將D野收埋係心，依句對唔住係因為佢覺得自己保护唔到妳，如果早D同妳表白，妳就唔洗受傷。

「不過最後我地都係一切咗，只係兜咗個大圈。」

「啤啤，我今次唔會再將妳讓比人！」皮皮坐係梳化攬實妳。

大概係皮皮知道妳中意睇佢跳舞，佢開心有返D自信，皮皮嘅世界冇ak咁複雜，佢嘅事業心唔重，世界可以得妳一個咁簡單，但係就真係唔好旨意佢有乜嘢偉大成就，發達就一定唔會，但係佢唔會餓死你，亦唔需要擔驚受怕，對妳泥講咁樣已經好足夠。

「你试下呀！我嬲死你。」妳meet皮皮。

「你嬲我，我咪氹妳返泥囉！啤啤」皮皮笑。

妳同皮皮明顯未tune到去情侶mode，兩個都有D唔自然，係要D時間嘅!

「我嬲走咗去，你記得追返我呀！我唔想係車倒後镜睇你有冇追出嚟。」依句真心，妳好驚佢真係唔會追返妳，妳唔想再好似以前咁咁冇安全感。

-

個陣妳同ak拍拖冇耐，兩個拖手行緊街，ak係到低頭玩電話。

妳嬲爆爆甩手行咗去。

「冇啦啦做乜發脾氣？」ak黑面問妳。

「江生，而家我問題咩？而家係你琴晚同其他女仔出去冇话我知，男女朋友唔係要有基本尊重？而家叫你同我行街又要喺度玩電話，一係就打机。」

「普通朋友，妳唔好亂諗好唔好？」ak繼續黑面。

「普通朋友會玩到咁close架？」

「識咗好多年喇，不嬲都係咁。」ak完全唔覺得有問題，但係如果調轉係妳同其他男仔咁樣佢就嬲。

佢份人就係咁㗎啦，唔鍾意同人交代任何嘢。

「咁叫你同我行街，你又掛住玩電話，好似我迫你行咁樣，同佢哋又玩得咁開心。」

「妳都打橫泥，我都已經唔係屋企打机陪你，仲想点？」ak覺得自己冇錯仲要勁大聲，同朋友玩咋喎，都嬲？已經唔打機同你行街喇喎仲想點？根本就係妳無理取鬧。

「咁你返屋企同部机拍拖啦！江生！」

「妳中意点就点啦！」ak調轉頭就走，夜媽媽揼低妳一個喺條街度。

。

「啤啤，我咪講咗，妳嬲，我一定氹妳返泥。」

皮皮知妳冇安全感，好冇安全感。