<做人唔好ff太多之當我們學會愛之後>

Cha25

「講梗妳，又燒埋我個啖，妳呀！照顧好自己身子呀！之前咁樣都冇好好休養過，兩次好傷架！」安安真係好緊張妳。

安安其實都幾不滿Ak，拍拖收收埋埋都算啦，仲要份人咁多缺點，又自大，又自私，所以安安好心痛妳，不過自己好姐妹中意，冇計架，唯有就係一直係身邊陪住妳囉！

「妳就快長氣到嫁唔出啦！得架啦！我會照顧好自己！」

「旨意妳條仔就仆街啦！」安安仍然為妳兩次流產手術抱不平。

另一邊

Ian同AK係廚房

「陳仔！I love u，come on 咁耐冇見，泥個擁抱先。」Ak作狀擁抱ian

「留返攬呀嫂啦！」ian扮嫌棄推開Ak。

「巴閉啦！有Amy，拒絕我！」Ak扮喊。

「整咗先啦！唔係今晚冇嘢食！」

「都係你最有義氣，一隻二隻又唔泥幫手。」

「搞錯啦你，我打算泥幫呀嫂架咋！」ian 一邊搣菜一邊笑。

「手指咬出唔咬入。」

「咁呀嫂真係好好，我冇理由唔幫佢！你呀！最好真係修心養性，唔係冇左個好老婆就慘！」ian太了解Ak，佢貪玩容易受引誘，娛樂圈太多引誘，佢唔夠定力會變質。

「因乜事你今日同安安咁夾嘅呢？2個都係一見面就話我溝女，去滾？我不知幾專一。」

「係咩？咁啱啫！」ian努力扮若冇其事。

「依D唔會係心靈相通掛？」Ak取笑ian。

「我有Amy架啦！」ian個樣已經出賣咗佢，Ak 知安安係佢心目中一定有一席位。

「陳仔。」Ak戚咀笑，似乎看穿Ian 嘅心事。

「我問吓佢哋到未呀！」ian借意行開，廢時AK問落去！

Ak就繼續一個係廚房搞破壞。