<做人唔好ff太多之當我們學會愛之後>

Cha18

「同我Anson食飯，幾多女仔恨唔到啊！」

妳望住依個似古惑仔陳浩南Mk 嘅物體，覺得佢真係自大到不得了。

「我係因為皮皮先去，你誤會啦！」妳完全不留情咁對Ak。

Ak對妳好有好感，雖然妳唔係靚靚靚，又唔可愛，妳散發個種自然同不造作，令Ak好舒服，可能見慣dancer圈嘅女仔，講真，平時都有唔少女仔埋自己身，但係真係完全冇興趣。

「哈！anson 份人係咁中意開玩笑。」皮皮又打完埸。

妳反咗皮皮一個白眼。

「皮皮，我哋跳多陣。」ak一副挑機樣。

「怕你咩？」

跳完一陣，佢兩個都攰啦。

「yeah!行囉！去食飯！」Ak 好興奮，因為佢太肚餓。

「Anson，我地下次先食飯，媽媽wtsapp我病咗，我返去睇吓佢！」皮皮同Ak講。

「皮皮，要唔要陪你？」妳問皮皮。

「唔洗啦，anson 幫我送佢返屋企。」皮皮講完尼句已經走咗。

「有乜打比我啦bro!」ak大叫

得返你同Ak兩個。

「行啦，好肚餓！」Ak已經拉住妳。

「喂！邊個話同你食飯？」

「妳係咪都要食飯架，何況皮皮要我照顧妳。」

「喂！咩人泥架你！」妳不情不願比Ak拉走。

「得啦！你放手！我自己行！」Ak放開妳。

妳同Ak兩個並肩行，氣氛有D寂靜。

「做咩妳咁cool架？定係唔老like我？」Ak努力咁同妳打開話題。

「咁你想講乜呀？anson 哥哥？」

「講過笑話妳聽，山上邊有個洞，洞入邊有間廟，廟入邊有個和尚…！」

「好冇聊！」但係唔知點解妳笑咗出嚟，大概係因為感覺到Ak有心氹妳開心。

「笑咪幾好！」Ak拎部手機影妳。

「你偷影。」

「明影啦！擺明！」Ak理直氣壯講。

「放心啦，唔會比人睇！」

妳已經唔知答乜，行過m記，停低咗。

「不如買去尖咀海傍食。」

Ak心諗，吓？食m記，真係第一次同女仔食飯，女仔主動提議食m記。

「好囉！不過妳要比我請妳，當係我哋認識第一日嘅見面禮。」

「咁呀！一陣請你食甜品。」

妳第一次凝視Ak嘅側面，佢都幾令仔呀，份人又幾真，咪當識多個朋友。

…

妳同Ak 同時睇住依張相，相視而笑。

「死人頭，偷影人，仲話明影。」妳回味梗以前發生嘅事。

「咩呀？咁中意個女仔梗係想有佢張相。」

「其實你個陣有唔少女仔埋你身架….又會…」

「埋我身個D女仔又煙又酒，又濫，拍散拖就大把，邊似妳純品又明白事理。」老闆未等妳講完已經打斷妳。

「我有咁好咩，江𤒹生？」

「妳唔好啊，我就唔會溝妳啦！」

「口花花啦你。」