<做人唔好ff太多之當我們學會愛之後>

CHA2-

相聚嘅時間好似特別短，好快已經天光，妳打開眼，仲想攬住格嚟個個，

「江…。」心諗冇人嘅。

江𤒹生已經出咗門口，妳打開wtsapp ：

「我出咗門口啦，同皮皮食埋早餐就去排練演唱會。」

「加油!💪😘」

好啦!妳知道江𤒹生今日又會消失係妳世界入邊，妳亦知道佢唔會中意chur，所以妳決定起身搵嘢做打發時間，咁一於就執下屋。

妳身處係老闆屋企，不過仍然唔相信佢係妳男朋友，唔相信自己已經同老闆發展到同居嘅地步，一路走嚟所有都不容易，由全民造星，甚至叱叱黑面事件，直到陪佢走到今時今日略有名氣，雖然佢一直對外宣稱自己係單身，不過鬼叫自己愛佢咩，唯有忍。

妳執屋，發現一本雜誌封面係，Shirley 係Ak女神，頓時回憶百般滋味在心頭!

「乜妳返咗嚟，頭先做咩唔聽電話？點解會去咗飲酒？仲要po 上ig!」Ak一踏入門口就質問妳，塊面黑過妳手上帶梗嘅黑曜石。

「咁你又有冇覆我wtsapp呢？」妳一臉不滿咁寸返Ak。

「做梗嘢點聽電話？」ak仲理直氣壯兼嬲嬲地咁答返妳。

「冇。嘢。想。答。你，係咪仲要用咁嘅溝通方式溝通落去？」事關妳仍然不滿佢同沈殷怡嘅緋聞，雖然妳有好多不安全感，但係仍然保持冷靜，因為妳仲要做一杯冰水。

「點樣溝通，我覺得我地咁溝通冇問題，妳想點，不如妳話我知？」果然妳做到佢嘅冰水，令佢冷靜返少少，不過一貫自我嘅老闆係唔會明妳感受。

飲咗幾杯面紅紅嘅妳，已經好攰。

「我好攰，唔想講。」

「揸車出去兜吓風，好冇？」Ak知妳係一個明白事理嘅女仔，佢亦心知自己理虧在先，妳見佢都放吓面子，所以應承咗佢依個要求。

車入面，兩個都不發一言，無言的親親親 ，侵襲我心，仍寧願親口講你累得很，妳情願爭吵鬥咀好過，Ak係淺水灣沙灘停低咗，凌晨嘅淺水灣一個人都冇，或者依到係一個可以令妳同ak喘息嘅地方。

「不如落車行吓。」ak打開車門，遞隻手比妳，妳仍然嬲梗，不過見到佢個眼袋，都係心軟比隻手佢拖住！

「我好攰。」妳將個頭挨落ak到一邊拖住咗佢。

「點解？係咪因為我地之間距離太大？」

「嗯。」

「我哋嘅距離7cm，唔係好多。」ak用手比較兩個嘅高度。

「玩嘢啊，anson kong。」妳笑咗。

Ak 一手拉妳坐咗喺沙灘度，一手攬住妳。

「我冇辦法改變到，唯有係咁。」ak臉帶無奈。

「你唔嬲啦？」明明激嬲自己個個係佢，點解會係妳問，果然令仔係大哂。

「冇嬲啦。」

妳kiss咗落Ak個咀度，示意佢唔好再講啦。

「我只不過係有好多不安全感，雜誌又寫你同Shirley,而且你仲咁多生粉，我好不安，要同好多好多人share男朋友，你係男神，我係凡人。」妳終於有勇氣訴說自己嘅不安。

一個電話鈴聲將妳從回憶中拉返出嚟。

妳心諗佢有病啊？依個時候打電話？一定又忽然跳制。

「喂？」

「係我啊！」

「盲都知係你啦，有來電，有咩講啊？江先生。」

「記得幫芝麻買糧，就食曬啦！」

「知道啦！就係咁咋？」冰雪聰明嘅妳當然知老闆有嘢想講。

「I love U!😘」

「得啦！得啦！」

老闆係因為演唱會嘅緊張，想妳比小小鼓勵佢。

「尾埸我會出現做你嘅生粉啦！」

Ak好想妳可以到現場分享佢人生第二次演唱會，分享佢成就解鎖嘅喜悅，始終妳係佢重要嘅女人，除咗花姐同呀媽之外。

「生粉，到時記得叫大聲D！」

。

水火本不容，但偏偏有化學作用

。

-

-難堪總少不免黑面

負能量你亦視為正面

為我換上全屋燈泡加亮更閃

唇齒一般相依

能生起火製造我光線

讓我倦了都發電-