<做人唔好ff太多之當我們學會愛之後>

CHA1-

Ak出席完function ，琴晚通宵拍廣告，今日又要為嚟緊嘅九展演唱會排練，終於可以返屋企偷取短暫嘅休息時間。

「女朋友一定要獨立又靚女，因為大家都冇太多時間，同埋女朋友要明白自己尼行嘅工作時間，唔係公開嘅可能出街都要秘秘密密!」ak訪問咁講，因為自己實在冇太多時間去陪伴女朋友。

Ak載住cap帽同專屬自己嘅mirror口罩 ，著住件Champion tee 牛仔褲同Adidas黑色跑 鞋，佢開門，黑面咁行入廳，坐係梳化合埋眼，黑面可能係攰？係面對演唱會嘅壓力？係作為一個偶像產生嘅冇形壓力？已經冇多餘時間深究，Ak明天早上8：00仲要去Studio同班兄弟演唱會排練，望下個鐘已經晚上10：30 ，即係表示佢嘅睡眠時間得返幾小時。

「攰就去沖涼啦！」有個女仔係房走出嚟，温柔咁講，再遞上一條毛巾同睡衣「沖完涼出嚟飲湯呀！我煲木瓜雪耳，對把聲好，你知你啦又成日捱夜，又食冇定時...」

「知道啦，老闆娘，好長氣。」ak打斷妳嘅說話，望住妳笑一笑，彷彿所有疲倦都一掃而空。

「同我成煲飲哂佢先好呀！」妳用一副女朋友命令語氣兼冇你咁好氣嘅樣同佢講，ak望住妳，忽然先醒起原來已經十日冇見過眼前依一個女。朋。友，係因為忙，忙工作，忙拍攝廣告，忙排練演唱會，忙於應酬fans，忙梗事業博殺，忙梗自己想達成嘅各種目標，偏偏就係冇陪女朋友。

「我絕對係一個重友輕色嘅一個人，以前好多時情願陪朋友都唔陪女朋友，以前拍拖好自我，一工作或者跳舞就會完全唔理女朋友，將來有機會拍拖希望可以改善。」

相反，而加嘅Ak只係想有多少少時間可以見多D女朋友，不過外表Man爆嘅佢選擇將一切收於心底，但其實Ak內心係好温柔好專一，要面嘅佢會用霸道同大男人作掩飾。

而妳亦有好多野好想同ak分享，開心嘅唔開心嘅，係冇見依十日發生嘅事都好想佢知道，亦都好想聽佢分享佢工作嘅苦與樂，不過有乜都係等佢完咗演唱會先講，始終妳唔想打擾佢，妳知道佢有好多目標未達成，妳只好做佢背後嘅女人。

「我沖完涼同妳飲哂佢啦，老闆娘！」ak邊講邊拎毛巾行入去廁所沖涼，係ak沖涼期間，妳細心咁煲返熱煲湯，仲煮咗個腸蛋麵。

Ak沖完涼著住件白色tee，下身一條藍色波褲，一邊抹頭一邊行入廚房「夜嗎嗎又唔訓，搞乜呀？」Ak用一貫大男人作風嘅語氣質問

妳。

驚你肚餓，雪櫃得ed咋，我諗你冇食野。」妳一邊答Ak一邊夾起碗麵，希望依碗麵可以為Ak打氣，ak憐惜咁抱住咗妳，雖然大家同居，但自己實在太少時間陪妳，而且仲要係不能公開嘅地下情，ak自覺欠妳太多。

「快啲食啦趁熱！」妳輕輕推開ak ，手環抱起ak頸。

「演唱會妳會唔會嚟呀？」

「我混入fans堆扮生粉都可以喎 ！幫你舉牌， 好冇啊？」妳笑到成個細佬女咁抱住答ak。

「我想妳用Anson kong女朋友身份睇尼場show， 好冇啊 ？仲要用女朋友身份入後台 ，比全世界都知道！ 」ak用手抱返住妳靜靜等妳回覆 。

「我用fans身份睇你就得架啦 我比較習慣做你背後女人」妳知道佢只係一時衝動，妳唔想佢因為一時衝動做錯決定，畢竟妳唔想破壞佢咁辛苦建立嘅所有嘢！

「真係咩？」ak疑惑咁望住妳。

「你怕我比人搶走啊？食麵啦！」妳將個頭抬起望住ak。

Ak一副情深款款咁望住妳，等妳講落去。

「我真係比較習慣做你背後嘅女人，唔公開有唔公開既好，唔洗比人起底，同埋我唔想聽咁多閒言閒語啊！你始終係一粒星，而我始終係一個平凡人，你咁多生粉一定會有唔鐘意我嘅，我淨係想同你平淡走下去。」坦白講，其實妳都好想可以普通女仔咁可以拖住男朋友出街，可以放合照上Ig，唔開心個陣男朋友可以氹自己，但係既然妳選擇得同依個男人一切，妳就會接受，始終妳唔想阻住佢追夢，唔想抹殺佢得來不易嘅一切。

ak錫咗妳額頭一啖，之後抱返實妳，妳都抱返住佢，今日抱完唔知幾日後先有得抱啦!

「喂，仲食唔食麵？」

「唔食啦，攬多一陣先啦！亅

「飲湯呀！江爆生！」

「得啦!得啦！」ak扁下咀放開妳。

咁樣正正係依個男人嘅可愛之處霸道嘅外表，小朋友嘅性格，妳心中暗暗同自己講，依一世妳都心甘情願做佢背後嘅女人，我愛你，江爆生！