創業會計佬h的學習筆記

80後會計師,現為一間startup創辦人,興趣夠雜,對經濟、金融、歷史、科學、運動都有興趣,但「周身刀無張利」,開個page記錄一下自己的學習和對世界的觀察

人人都話減肥,其實應該減乜?

個個都話減肥,究竟想減d乜?

成個2020年都無乜點操,近來玩返virtual山賽,幾位高手們見到我都叫我要減減體重,令我又的返起心肝要操返。

好多人都話減肥,但要點減?以人類身體運作機制來說,純粹講體重既話,八分飲食兩分運動,最重要既係熱量赤字,即你每日飲食所得熱量要少於你每日所用既能量,體重自然會慢慢減。為甚麼運動佔比會咁細?試諗下,你飲一杯Starbucks甜飲或者珍奶,你可能要跑大半個鐘頭步先消耗得到,你唔控制飲食點減重?

但又從另一方面諗,你應該減既係體重定體脂?體脂指既係你身體脂肪比例。但隨著熱量攝取減少,肌肉跟脂肪會一起流失,所以單靠飲食控制既“減重”,結果可能係體重跌,但體脂率無乜改變。雖然身體脂肪少左,但肌肉減少對健康都有很大影響,包括新陳代謝減慢、容易受傷等,而對老人輩來說“肌少症”更是個大麻煩。所以減重的王道是,控制飲食之餘加上重量甚至心肺訓練,先係最好既方法。肌肉密度比脂肪高(有說法係三倍),因此一磅的肌肉比一磅的脂肪所需空間小。所以結果係可能是體重減少不多或較慢,但外表明顯變瘦且有線條,而且體脂率下降。

靠個d會震會發熱機器減肥減腰圍可以嗎?傻既先會信,因為肌肉無收縮無消耗能量,你減到d乜?而用電流模倣身體訊號去刺激肌肉個種,make sense既,但效果很有限。不要以為不斷刺激腹部肌肉就會減腰圍,好多研究已經講過減肥係整體減,唔會局部,而且尼種你唔會得到真正運動既好處如心肺功能、身體協調既訓練,骨質密度上升等。

所以,都係乖乖地食健康d,做多d運動吧

CC BY-NC-ND 2.0

Like my work?
Don't forget to support or like, so I know you are with me..

Want to read more ?

Login with one click and join the most diverse creator community.