青鳥

正在德國深造的90後香港電腦工程師。偶爾寫寫電腦技術、時政、分享攝影作品等。 Wordpress: https://bluebirdbeats.com/ Medium: https://medium.com/@archerindigo ig: terrytsang.indigo

外國的月圓

雖然人不在香港沒有看到超級血月,不過也踫巧在家看到不錯的月圓。(本文以廣東話寫成)

新聞知道前晚香港有超級血月觀賞,即喺size較大嘅超級月亮同月全食同時出現。本來我都不以為然——反正喺德國睇唔到,就算睇到都無心無力特登出去賞月。點知琴晚咁啱遲咗食飯,食完飯hea完拎碗碟出房洗時都已經十一點幾(順便提下家陣5月個天要差唔多10點先黑齊),一望出露台就見到個巨型月亮啱啱好由遠處一棟樓旁邊緩緩升起。雖然唔係傳說中的紅色血月,但撞正大大個月亮啱啱好係山邊冒出又係正棟建築物旁邊,個畫面都有啲震撼。我二話不說就入返房拎相機同腳架出黎,想話影低呢一個畫面。

可能太耐無影相,試啱相機曝光對焦都花咗好一陣,一開頭先試影一個連建築物的特寫,不過條街唔似香港咁光,所以影得清棟野時個月亮又爆光得特別勁,影得清個月亮時個前景又黑到連剪影都無,兩個曝光相差成10個EV,似乎唔出外掛唔玩PS都幾難兩全其美,呢個位置玩剪影又似乎唔多好睇,所以算數。最後收尾影條街嘅全景,呢個時候個月亮已經掛到高一高。

大大個月光由山邊升起
第一次直接影個月亮。鏡頭最長得105mm已經盡力而為。
最後以一個全景作結

最前面棟樓特別光,又有一個故仔。棟野前面其實有個24小時油站,光管燈光成為一個光源。與此同時,條電車路軌今晚有打磨工程,咁啱磨到油站對出,射住路軌果支大光燈同磨路軌啲火花又加強咗個光度。唔單止咁,條路軌其實由12點開始一路磨磨到3點,玻璃隔音都無能為力,其實都幾擾人清夢下。

唔知見到呢啲美妙風景係純綷好彩定喺呢度隨時觸手可及?外國的月亮真咪係特別圓呢?

Like my work??
Don't forget to support or like, so I know you are with me..

CC BY-NC-ND 2.0

在歐洲賞櫻

雪景如畫

Want to read more ?

Login with one click and join the most diverse creator community.