Ami Ng
Ami Ng

Growth Marketer Academy 好唔好?

對於Growth Marketer Academy 嘅課程評價/ 讀後感:

我係一名網絡營銷嘅門外漢,由於對Digital Marketing嘅工作感興趣,所以上網做咗一啲research去搵一個短期嘅課程,想喺短時間學習最多嘅嘢。最後我揀咗Growth Marketer Academy嘅Growth Marketing Bootcamp。

呢個Bootcamp相比起市面上其他網絡營銷嘅課程有兩個好唔同嘅地方。首先,佢除咗教授網絡營銷嘅基本原則、概念之外,亦提供學員一個實戰嘅機會。

呢個課程一共有十二堂,第一堂到第四堂就主要講解網絡營銷嘅A A R R R模型、點樣決定Buyer Persona、整自己嘅Shopify商店、點樣計劃營銷漏斗策略、同埋點樣做Landing page、建立Facebook嘅商業專頁、用 Canva 創作營銷嘅內容、圖像堪至影片。由第四堂開始我哋就會分組為唔同嘅公司做網絡營銷專案。我就揀咗一間影樓,目標係賣出150套家庭攝影套餐。由第五堂到第十一堂之間,我哋要利用唔同嘅應用工具包括Mailerlite、Landingi、Canva、Google Analytics、 Google Ads 同埋Facebook Manager,去制定行銷漏斗(marketing funnel)、 寫行銷內容、設計廣告、設計高轉換嘅 Landing Page、設定行銷活動經費同埋目標群組、優化行銷漏斗和轉換率等等。

喺整個行銷活動過程當中,每組都會有一個Mentor。 我哋會同公司主管以及Mentor 有定期嘅會議去跟進我哋嘅進度、優化我哋行銷專案。到課程嘅最後一堂,每組都會做一個完整嘅報告,去睇返整個專案嘅成果效益同埋有否達到當初嘅目標。

我覺得呢個課程好充實,相信有咗呢次做行銷專案嘅經驗,對於我將來想搵相關工作一定會有幫助。所有Growth Marketing Academy嘅學員可以終身觀看課程影片,亦可以加入GMA 校友Facebook,隨時同業內人士交流,參加分享會、認識唔同人脈。

另一個分別就係佢上課模式具彈性。我報嘅係面授課,因為我知道會分組做專案所以我想同其他同學有更多認識同互動。 但其中有幾堂我上唔到面授課,但亦可以用網課代替。

總括來說,Growth Marketer Academy嘅Growth Marketing Bootcamp 好適合一啲對網上行銷有興趣,想獲得實戰機會既人。或者一啲定從事網絡營銷但想學習不同網絡行銷技能嘅從業員。不過學員要幫公司做營銷專案,學員每星期最少要用上三個鐘頭去做功課或者與其他組員或者Mentor 開會, 所以報名前要考慮清楚自己可唔可以付出呢一個時間去做功課。

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论