小牛變大牛

很少分析股票，因為抄多過分析，這麼多消息、數據、推介，散懶戶可以抄下。因為電動車Tesla、NIO、小鵬等等，連電動電單車也被炒起。

事實上，電單車巿場很大，中國大陸、台灣、澳門、泰國、東南亞地方很多電單車，原因很簡單，方便、便宜。電單車開始鼓勵由汽油轉電能，做到真正的”電”動車。

如果比較普通的汽車和電單車，價格相差20-30倍，當然成本相對細很多。之前上網查過，電動電單車最大的是”小牛”NIU，佔大陸市場、台灣、東南亞大部分市場，價錢係HK$10000以下，入門便宜，很受歡迎（平過部IPHONE)。

中佬之前入手NIU，買入100美股US$10，小試牛分，其實小牛”妹”了很久，近月衝上$30，由於SC所以被Call走。點解100股？因為可以做SC。點解100股咁少？問阿媽點解係女人。以成績看，約半年有200%回報，可以分享一下。（輸咗的不想傾）

終於威番次，會唔會再入手？看看今星期Q3業績，Revenue增長52%，每股賺多39%。業績上不錯，生意多左，每股賺算跟上。但係，股價升了200%，這個差距就要想想，假設之前一切合乎邏輯，增長維持，要半年後才到達今天的價值。

不是分析師，半年前係咪低水？唔知，如果低水現在就值得再入手。不過，中佬賺過就算，為什麼？又係街坊智慧。

競爭對手價錢便宜一半，點都會受影響，暫時看不出什麼高增值服務，一般GPS、快叉、Face ID又唔係必須的，對增加銷量影響不大。看來電動電單車不是高科技產品，有突破才再入手。