薯仔
薯仔

拾荒者

舊書學歷史 : 星際航行概論

【星際航行概論】係錢學森喺大學講解火箭技術嘅講義改編而成,出版於1963年,內容其實好技術性,但又反映咗錢係宇宙航行嘅高瞻遠矚,而錢亦被譽為中國天及飛彈之父。我想講嘅故仔同早前被下架嘅書有關 : 「如果冇八國聯軍,可能今日強國仲未發展到神舟太空船!」 不妨借用焗腸高明嘅「從而」推論法。

因為義和團濫殺中國教徒、鐵路員工(國民劣根性只敢槍口對自己人),又圍堵外國領事館及僑民, 從而引發八國聯合拯救其領事及僑民(仲有上萬名中國教徒),從而引致慈禧、光緒走路,圓明園被燒,從而有庚子賠款,從而民國政府成立後收到美國返還嘅庚子賠款,從而錢學森先可以去美國留學並接觸到飛彈技術!

看官,仲唔係八國聯軍促進咗強國嘅航天技術發展! 歷史真係玄之又玄。

歷史冇如果,但係冇麥卡錫主義,錢學森可能唔會被逼中止研究。然後因為韓戰,佢又被用嚟交換戰俘而返到中國。錢嘅老師(流動力大師Theodore von Karman)讚佢係天才,留喺美國對航天研究更有貢獻。 好彩錢係美國涉足飛彈技術,如果只係基礎物理學,可能同楊振寧嘅老師葉企孫咁淒慘下場。錢其實上錯過林彪賊船,又批鬥過佢上司累佢當場心臟病發。

錢年老時認真同當時總理温家寶講中國大學培養唔到一流嘅科學人材。不過咁嘅體制佢都係白講。


CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论