拾荒書介 : 鴉片戰爭 － 毒品、夢想與中國建構

歷史嘅話語權總係當權者手中，所以我想了解多些中國近代史，會寧願讀一些外國著作，就如 Julia Lovell 的【 鴉片戰爭 : 毒品、夢想與中國建構】，佢令我們知道故仔嘅另一面。

國民黨、共產黨都將鴉片戰爭講到係帝國主義殖民中國嘅計劃，目的係鞏固一黨專政嘅合法性。英國佬其實係為咗理順對華貿易逆差藉口開戰， 清皇帝根本只當係邊疆嘅小紛爭，不過就畀班官員老點，糊糊塗塗咁打仗。

鴉片嘅禍害當時未係好深，而且國產鴉片嘅量已經比進口鴉片大， 而且後來仲成為北洋新軍、國民軍同共產黨嘅主要財政來源。

林則徐被捧成禁煙民族英雄，其實佢主張以國產鴉片取諦進口貨，銷煙對佢只係一樁小事，佢等緊升官江蘇去建新運河先係大事。 英國佬義律其實對販賣鴉片感到羞恥，但佢認為迫使滿清開放融入國際社會，對清英都有利。辱國嘅琦善其實好務實，知道打唔赢英國佬，仲傾咗份條件唔差嘅穿鼻草約，如果落實咗就可能冇今日嘅香港。

南京條約嘅賠款動搖唔到滿清嘅根基，賠咗2100萬銀圓或1500萬兩，其實少過軍費3000萬兩。

1990前中共歷史教育講鴉片戰爭係好少篇幅，因為1989六四後要用哩個故仔嚟強化只有共產黨先可以救到新中國。