孤狼

有個pk講乜春孤狼，其實知唔知孤狼係點嚟？狼本來係群居動物，只有要自立成家又或年老等死又或家破才成為孤狼！朋友叫我再讀【狼圖騰】，我早前搬屋free咗於是網上download再讀一遍。

故事講文革時知青到蒙古下鄉，跟蒙古人學習草原生存之道，又機緣下養咗一隻小狼，對草原有更深認識。我記憶中嘅結局係小狼跟返狼族回歸大自然，點知原來係知青親手殺死可能唔再適應野外嘅小狼。

幾年前讀只覺得是一本好嘅生態小說，強國人不懂尊重Ecosystem 強行在草原開墾，並大量獵殺黄羊、旱獭、野狼，結果生態失衡，草原沙漠化。估唔到強國人解讀係「血腥的暴力掠奪才是生存之道」，同佢哋推崇並實行【三體】嘅「黑暗森林」法則一樣（強國IT業奉此法則為金科玉律）。

我一面重讀又一面諗吓香港人原先好狼性。上一代為咗生存犯險孤身來港，然後係一個冇乜資源嘅地方建立咗自己嘅家。港人原先好似狼咁唔會擇食，有得食唔好嘥，食四方飯，眼光好global。點知有一班唔再努力獵食，而係要講收成，仲要眼光只朝北，結果同強行開墾草原導致沙漠化一樣，加上強國又係只會殺雞取卵，同埋只肥自己人，成個生態環境當然破壞曬，或者就係咁孤狼先出咗嚟。